Ngimbo

83 Oo Nzambi, uhenyigo tedie;

zuela, ukangigo kano, Oo Nzambi wa ngolo jiagasue.

 2 Tala! Mbalagaji jiaye jidi muzola nguma;

athu anago guguzumba adi mutshita ndaga nu lulendo luagasue.*

 3 Adi nu matangi abola, adi muyila athu aye giphungi mu gisuegi;

adi muyila athu aye a ndando giphungi.*

 4 Adi muzuela egi: “Zenu, tushiye gifutshi giawo,

hagula athu awungulugago luko jina dia Isalele.

 5 Adibungisa ha guya giphungi;*

akotele gikotelo ha guguluisa.

 6 Yakotelesa egi, enya Edome,* nu enya Ishemayele, nu enya Moaba nu enya Hagale,

 7 nu enya Gebale, nu enya Amona nu enya Amaleke,

nu enya Filistiya, nu enya gu Tile.

 8 Enya Asiliya nji adibungisa nawo;

adi mukuatesa* ana a Lota. (Sela)

 9 Ahane ndola gifua luholo wahanele Madiana,

gifua luholo watshitshile Sisera nu Yabine gu gamuta* ga Kishiona.

10 Ene ashiyiwe gu Ene-Dole;

abuile gifua tuji tua shitu mu mavu.

11 Buisa manene awo gifua Orebe nu Zebe;

buisa mafumu* awo gifua Zeba nu Zalumuna.

13 Oo Nzambi wami, abuise gifua isusu idi muhehumuga,

gifua isusu idi muhehumuga gu funji.

14 Gifua tshuya tudi mukonda gishitu,

gifua tshuiya tudi mukonda milundu,

15 ahate nu funji yaye yakola,

ahane woma nu gikudi giaye.

16 Ahane musonyi wabala,

hagula akambe jina diaye, Oo Yehowa.

17 Ene ahanewe musonyi, avuishiwe woma wabala mayilago;

aseguluishiwe nu atote;

18 athu agasue ajiye egi, jina diaye Yehowa,

phamba aye udi Nzambi wa gudinyinyiga holu dia mavu agasue.