Ngimbo

91 Muthu wagasue udi mukhala ha fundo dia gisuegi dia Nzambi wa Gudinyinyiga,

mbawukhala goshi’a vule dia Nzambi wa Ngolo Jiagasue.

 2 Mbanguwambela Yehowa egi: “Udi fundo diami dia gulengela, udi fundo diami dia ubambi,

udi Nzambi wami, ngana gugushila mutshima.

 3 Handaga muene mbawuguhuluisa gu muheto watshi muthu wana kuata tunjila,

nu gu misongo ya gisambugila yana bata gufua.

 4 Muene mbawugutshuiga mu mahambu enji,

aye mbawudisuega goshi’a mahambu enji.

 5 Mbawushigo mudigita mukunda nu ndaga jia woma jiana bua mu phipha,

nga mukunda nu mifula yana sononewa mu muanya,

 6 nga mukunda nu misongo ya gisambugila yana balega mu phipha,

nga mukunda nu gufua guana guza mu midi.

 7 Athu 1 000 mbaabua hehi nu aye,

athu 10 000 mbaabua gu koko diaye dia madia,

uvi gushigo nga ndaga imoshi yabola mbayigubuila.

 8 Aye mbawuyimona nu meso aye,

mbawumona luholo athu abola mbaahanewa ndola.*

 9 Handaga wazuelele egi: “Yehowa udi fundo diami dia gulengela,”

wabuishile Nzambi wa Gudinyinyiga fundo diaye dia gukhala;*

10 gushigo nga ndaga imoshi yabola mbayigubuila,

lamba nji mbadisuenyigo hehi nu tenta yaye.

11 Handaga muene mbawugutumila anjelo enji,

ha gugubamba mu njila jiaye jiagasue.

12 Ene mbaagubata ha mago awo,

hagula kulu diaye didikumigo gu seso.

13 Mbawuwenda holu dia mutumba wa khoshi nu holu dia kobra;

mbawudiata khoshi* nu nyoga yakoma goshi’a ikanzo yaye.

14 Nzambi wazuelele egi: “Mbangumuhuluisa handaga wana gunguzumba,*

mbangumubamba handaga muene wana jiya jina diami.

16 Mbangumuhana monyo waleha,

mbangumukuatesa ha gukotelesa egi ngudi muhuluishi wenji.*