Ngimbo

92 Oo Yehowa, idi ndaga yabonga ha guguhana mersi

nu ha guyimba ngimbo ha gutumbuisa* jina diaye, Oo Nzambi wa Gudinyinyiga.

 2 Idi nji yabonga ha gulongesa guzumba guaye gua giamatshidia mu gimenegena,

nu gujinginyina guaye mu phipha yagasue,

 3 idi nji yabonga ha gugutumbuisa nu gima gia gushigila miziki gidi nu shinga kumi nu lute,*

nu matululu a gitare.*

 4 Handaga ngasuangulugile mukunda nu ndaga wakalegele, Oo Yehowa;

ngudi mumba milolo ya gusuanguluga mukunda nu midimo ya mago aye.

 5 Oo Yehowa! Midimo yaye idi yakoma sha,

matangi’aye adi diago aleha gifua jinga dia meya!

 6 Muthu waheya gajiyilego guyikotelesa;

gihulu giajiyilego nji gukotelesa ndaga eyi:

 7 Ikhale athu abola adi mukula gifua muangu,

ndaga jidi muyila muabonga mukunda nu athu agasue adi mutshita ndaga jiabola,

ene mbaakuluga mayilago.

 9 Yehowa, tala mbalagaji jiaye,

yadiago, gufua gudi guanengenena;

athu agasue adi mutshita ndaga jiabola mbaamuangana muamua.

10 Uvi mbawunguhana ngolo jiavula gifua jia ngombe ya mulume ya mu foto;

mbangudikunga maji abonga mu gilema gia muila wami.

11 Mbangumona gubua gua mbalagaji jiami nu meso ami;

mbanguvua lumene lua gubingiwa gua athu abola adi gunguluisa.

12 Uvi athu abonga mbaakula gifua samba,

mbaakoma gifua mutshi wa sedre gu Libane.

13 Ene adi gifua mitshi yakunyiwa mu inzo ya Yehowa;

adi mukula mu ibanzala ya Nzambi wetu.

14 Ikhale tangua mbaabua athu a gukola,* mbaalandula guhaga mabundu,

mbaakhala nu ngolo* nu sante yabonga.