Ngimbo
Lungimbo lua Gukanduga.
121 Ngathuphula meso ami ha gutala gu milundu.
Ukuateshi wami mbawujila gui?
2 Ukuateshi wami wana katuga gudi Yehowa,
mufugi wa dilu nu mavu.
3 Muene mbagashigo mubemba egi kulu diaye didiadiumuge.*
Muthu udi gugubamba mbagashigo muwunduga.
4 Tala! Muthu wana bamba Isalele
mbagashigo muwunduga, mbagashigo mubanda tulo.
5 Yehowa udi gugubamba.
Yehowa udi gifua vule, udi gu koko diaye dia madia.
6 Mu muanya, kumbi mbadishigo gugusagesa.
Mu phipha nji mbeji* mbayishigo gugusagesa.
7 Yehowa mbawugubamba gu ndaga jiagasue jiabola.
Muene mbawubamba monyo waye.
8 Yehowa mbawugubamba gu ndaga jiagasue udi mutshita*
sendese mangino uu mayilago.