Ngimbo

126 Tangua Yehowa wavutudile athu a gu Siona anyi ayile mu uhiga,

tuamonele gifua nzoji.

 2 Mu tangua diene, tola tuazalele mu makano etu,

tuambile miyelele.

 3 Yehowa watukalegela ndaga jia gushimana,

tuasuanguluga muavula.

 4 Oo Yehowa, vutula athu etu anyi ayile mu uhiga,

gifua ito ya mita gu Negebe.*

 5 Athu adi mukuna mbuto nu masoji

mbaajikatula nu milolo ya gusuanguluga.

 6 Muthu udi muya nu gudila

nu kuba dienji dia mbuto jia gukuna,

mbawuvutuga nu mbuto jiakatula muene,

gu kano nu milolo ya gusuanguluga.