Ngimbo

Tumbuisenu Yehowa mu dilu;

mutumbuisenu mu mafundo a gosa.

 4 Aye dilu gosa,* mutumbuise

nu ene meya adi holu dia dilu.

 5 Ima eyi yagasue yitumbuise jina dia Yehowa,

handaga wambile mbimbi, hene ima yene yafugiwe.

 6 Wayijigamesele hagula ikhale ivo nu ivo;

wahagele mukhuala unu wajiyilego guhua.

 7 Tumbuisenu Yehowa ha mavu,

nu enue shitu jiakoma jia mu kianga nu meya aleha,

 8 aye guhenya gua mvula nu may’a-nzanza nu neje nu matuta abuita

nu aye gikudi, wana tagenesa mbimbi yenji,

 9 enue milundu nu milundu yagasue yazonda,

enue mitshi yana haga mabundu nu mitshi yagasue ya sedre,

10 enue shitu jia mu foto nu shitu jiagasue jia hembo,

nu enue ima yana wenda vumo mu mavu,

11 enue mafumu agasue a ha mavu nu ifutshi yagasue,

nu enue manene nu manzuji agasue a ha mavu,

12 enue mavuala a mala nu mavuala a akhetu,*

athu a gukola nu mavuala.*

13 Atumbuise jina dia Yehowa,

handaga phamba diene didi gosa gua gudinyinyiga.

14 Muene mbawuvudisa ngolo* jia athu enji,

mukunda nu lutumbu lua athu agasue adi a gujinginyina gudi muene,

ana a Isalele, athu adi hehi n’enji.