Chikanga

Vomwe Yesu adachita

VIDIYO: Yesu adalangiza mulumbwana wolemera waulamuliro

1. Nyang’anirani VIDIYO, panango werengani Maliko 10:17-22. Patsogolo pake ganizirani mibvunzo aya:

1. Ko Yesu adawona makhalidwe yabwino yaponi kwa mulumbwana wolemera waulamuliro ule?

2. Ko ndawa chani Yesu ambafunika kukhala na chikondi na chikanga kuti akwanise kulangiza munthu ule?

Ko tinkupfunzira chani kwa Yesu?

2. Tifunika kuyankhula mwachikondi koma mosapita m’bali kwa pfunziro yathu kuti timuthandize kupita patsogolo mwauzimu.

Tewedzerani Yesu

3. Thandizani pfunziro yanu kukhala na volinga.

1. Phatisirani basa mbali yakuti “Vati nichite” mu msolo uliwose wa bukhu yakuti: Kondwani na moyo mpaka kalekale!

2. Thandizani pfunziro yanu kuwona vomwe angachite kuti akwanirise volinga ving’onoving’ono na vomwe vitenga nthawe ikulu.

3. Mbayitembejani pfunziro yanu kawirikawiri ndawa ya kupita patsogolo kwake.

4. Dziwani mabvuto yomwe yankukangisa pfunziro yanu kupita patsogolo ndipo muthandizeni kuti akwanise kupirira mabvuto mwayo.

1. Dzibvunzeni kuti:

   • ‘Ko ni chani chomwe chinkukangisa pfunziro yangu kuti idzipereke na kubatizika?’

   • ‘Ko ningamuthandize tani?’

2. Pempherani kuti mukhale na chikanga kuti mukwanise kucheza naye mwachikondi koma mosapita m’mbali pa vomwe wopfunzira wanu anfunika kuchita.

5. Siyani kupfunzira na wanthu wosapita patsogolo.

1. Wonani peno wopfunzira wanu ankupita patsogolo mwa kudzibvunza kuti:

   • ‘Ko wopfunzira wangu ankuphatisa basa vomwe ankupfunzira?’

   • ‘Ko iye agumanika pa misonkhano na kuuzambo anango vomwe ankupfunzira?’

   • ‘Patsogolo pa kupfunzira kwa nthawe itali, ko iye ankufuna kukhala wa Mboni za Yahova?’

2. Peno wopfunzira Baibolo ankupitalini patsogolo:

   • Mukumbireni kuti aganizire vomwe vinkumukangisa kupita patsogolo.

   • Mufotokozereni mwaulemu ndawa yake munkuyima kupfunzira naye.

   • Muuzeni wopfunzira wanu vomwe afunika kuchita kuti mudzayambe pomwe kupfunzira naye.