PFUNZIRO 10

Kuchinja-chinja mawu

Miyambo 8:4, 7

MPFUNDO IKULU: Mumbayankhule mobveka bwino ndipo mumbachinje-chinje mawu.

Mumbachinje-chinje mawu. Mumbachinje-chinje mawu kuti mutsindike mpfundo yodikana nakuti mulimbikise wanthu kukhala na chidwi. Mungambachite vibodzi-bodzi polewenga ntontholo wachiweruzo wa m’Baibolo. Mungabweze mawu pakuda kuthandiza wanthu kulindira kubva mpfundo inango panango kufotokoza vinthu vinango vochitisa mantha panango nkhawa.

Koma ayi kuti mumbondokuwa-kuwa ninge kuti munkukalipira wanthu. Mumbapewe kuchita monyanyira panango kuchita vinthu kuti wanthu akutameni.
Panango mumbayankhulise, panango mumbabweze. Peno nivobvumiziwa muchiseweredwe chanu, mumbachinje-chinje mawu pakutsindika mpfundo, ponena vinthu vikulu-vikulu panango pofotokoza vinthu vomwe vili patali. Mumbachinje pomwe mawu ponena vinthu vopasa ntsisi panango nkhawa.
Panango mumbayankhule kankulumize, panango pang’ono-pang’ono. Mumbayankhule kankulumize powonesa kuti munkukondwera koma mumbayankhule pang’ono-pang’ono mukambafotokoza mpfundo yodikana maninge.

Kuti mawu yanu yaleke kudzidzimusa wanthu, ayi kumbondochinja kabodzi na kabodzi. Ayi kumbayankhula mwakanfulumize maninge mpakana wanthu kukanga kukulondolani.