7 Iu mas putim pure frankincense* antap each set, and datwan bae olsem bred for wanfala token offering*+ for Jehovah wea fire bonem. 8 Lo evri Sabbath day, hem mas evritaem arrangem datfala bred front lo Jehovah.+ Datwan hem wanfala covenant wea stap for olowe wea mi mekem witim olketa Israelite. 9 Datfala bred hem for Aaron and olketa son blo hem,+ and olketa bae kaikaim bred hia lo holy ples+ bikos hem samting wea barava holy, and hem blo priest from olketa offering for Jehovah wea fire bonem. Diswan hem wanfala law wea stap for olowe.”

25 Bat hem sei lo olketa: “Hao, no enitaem iufala read abaotem samting wea David duim, taem hem no garem kaikai and hem and olketa man wea followim hem olketa hangere?+ 26 And waswe lo story abaotem Abiathar,+ datfala chief priest? David go insaed lo haos blo God and kaikaim olketa bred wea holy,* hem samting wea law stopem for eniwan kaikaim bat olketa priest nomoa,+ and tu, hem givim samfala lo olketa man wea go witim hem.”

3 Bat Jesus hem sei lo olketa: “Hao, no enitaem iufala read abaotem samting wea David duim taem hem and olketa man wea followim hem olketa hangere?+ 4 Hem go insaed haos blo God and olketa givim hem olketa bred wea holy,* hem kaikaim datwan and givim samfala lo olketa man wea followim hem tu, nomata hem samting wea law stopem for eniwan kaikaim bat for olketa priest nomoa.”+