Isaiah

61 Spirit blo Sovereign Lord Jehovah hem stap lo mi,+

Bikos Jehovah anointim mi for talemaot gud nius lo pipol wea hambol.+

Hem sendem mi for healim pipol wea heart blo olketa hem brek,

For talemaot olketa wea prisoner for kamap free

And for mekem eye blo olketa prisoner for open big,+

 2 For talemaot dat hem year blo Jehovah for duim gud samting*

And hem day blo God blo iumi for pei bak,+

For comfortim evriwan wea sorre,+

 3 For lukaftarem olketa wea sorre for Zion,

For givim kraon lo olketa, and no asis,

Givim oil blo hapi, and no blo sorre,

Givim kaleko blo praise, and no blo feel nogud.

And pipol bae kolem olketa lo olketa bigfala tree blo raeteous fasin,

Wea Jehovah nao plantim, mekem hem kasem glory.*+

 4 Olketa bae buildim bak olketa ples bifor wea distroe,

Olketa ples bifor wea stap emti bae olketa wakem bak,+

And olketa taon wea bin distroe bae olketa buildim ap moa,+

Olketa ples wea stap emti for staka genereson finis.+

 5 “Olketa stranger bae kam and lukaftarem olketa sheepsheep blo iufala,

And olketa foreigner+ bae kamap olketa farmer blo iufala, and olketa wakaman lo grape planteison blo iufala.+

Iufala bae kaikaim olketa gud samting from olketa nation,+

And iufala bae tok praod abaotem glory* blo olketa.

 7 Iufala bae no shame moa, bat bae olketa dabolem share blo iufala,

Pipol bae no mek shame lo olketa moa, bat bae olketa singaot from olketa hapi lo share wea olketa kasem.

Bae mi faithful for givim lo olketa reward blo olketa,

And bae mi mekem wanfala covenant witim olketa wea bae stap for olowe.+

 9 Olketa nation bae savve lo olketa pikinini* blo olketa+

And pipol bae savve lo famili laen blo olketa.

Evriwan wea lukim olketa, bae luksavve lo olketa,

Dat olketa nao olketa pikinini* wea Jehovah bin blessim.”+

Hem taengem raonem mi kaleko* blo raeteous fasin,

Lo sem wei olsem wanfala groom werem turban* olsem blo wanfala priest,+

And olsem wanfala bride hem decoratem hemseleva witim olketa naes samting.

11 Olsem earth mekem olketa samting for grow

And lo sem wei olsem olketa samting wea olketa plantim lo garden hem grow

So, Sovereign Lord Jehovah tu bae

Mekem raeteous fasin for kamap,+ and mekem pipol for praisem hem+ front lo evri nation.