STUDY 10

Changem Saond Bilong Voice

Matthew 20:31

WANEM FOR DUIM: Taem iu changem voice for laod or kwaet, hae or low, and fast or slow, datwan savve helpem audience for minim gud wanem iu storyim.

HAO FOR DUIM:

Changem voice for laod or kwaet. Strongim voice for mekhae long main point, for muvim audience for duim samting, or taem iu readim scripture wea storyim judgment message. Daonem voice taem iu storyim samting wea mekem man fraet or wari, or for mekem audience interest for herem wanem iu bae talem next.

No tok laod staka taem, nogud audience feel olsem iu hotem olketa. No ova tumas for changem saond bilong voice bikos maet audience tingim datwan nomoa and no wanem iu storyim.
Changem voice for hae or low. Sapos fitim, haem saond bilong voice taem iu storyim hapi samting, or iu storyim samting hem big or smol, or hem klosap or farawe. Mekem saond bilong voice low taem iu storyim sorre samting or samting wea pipol warim.
Toktok fast or toktok slow. Toktok fast taem iu storyim samting wea iu hapi long hem. Toktok slow taem iu storyim olketa important point.

No kwiktaem change for toktok fast or toktok slow bikos audience bilong iu bae seke long datwan. No toktok fast tumas, nogud toktok bilong iu hem no klia.