Waswe, Iu Savve Tingim Piksa Long Mind Abaotem Samting wea Iu Readim?

WEI for savve long olketa ples wea iu read abaotem, bae mekem hem moa isi for iu garem piksa bilong hem long mind bilong iu. Olsem example, tingim missionary gogo bilong aposol Paul wea Bible storyim long buk bilong Acts. Long first gogo bilong hem, hem start long Antioch, ples wea olketa disaepol bilong Jesus kasem nem Christian. Then hem go long Salamis, Antioch of Pisidia, Iconium, Lystra, and long Derbe. Waswe, iu tingim long mind bilong iu wea nao olketa ples hia stap?

Bae iu hard for duim sapos iu no garem eni map. Iu savve lukim kaen map olsem insaed wanfala niu brochure wea garem 36-page, “See the Good Land.” Wanfala woman from Montana long U.S.A., tok olsem witim feeling for thankiu: “Mi savve lukim witim mind bilong mi olketa gogo bilong Paul and mi trae for garem piksa long mind bilong mi long wanem nao hem iusim for travel, and tu waka wea hem and olketa nara Christian duim for talemaot gud nius long staka difren ples. Thankiu tumas for naes brochure wea savve helpem mind for lukim piksa.”

Map bilong gogo bilong Paul, hem wanfala nomoa long staka map wea stap insaed long disfala brochure wea bae helpem man for garem piksa long mind abaotem olketa story bilong Bible. Iu savve raetem nem and address bilong iu long daon and sendem kam long address bilong ples wea stap klosap long iu or address long page 2 long disfala magasin for kasem wanfala copy bilong “See the Good Land.”

□ Sendem kam wanfala copy bilong brochure “See the Good Land.”

□ Plis kam lukim mi for wanfala free Bible study.

[Piksa Credit Line long page 32]

Pictorial Archive (Near Eastern History) Est.