Taem Iu No Wei Nao

Olsem example, Sally,a from United States wea lusim staka material samting long wanfala cyclone, hem sei: “Mi feel olsem mi no savve wanem moa for duim. For staka day mi feel olsem mi barava no wei nao.”

Waswe sapos samwan wea iumi lovem hem dae? Janice, from Australia, hem sei: “Taem tufala boy bilong mi dae, mi sorre tumas and mi mas traem best for kasem bak hapi long laef. Mi barava askem God: ‘Mi no savve wanem for duim! Plis mi laek dae nomoa. Mi no laek laef nao.’”

Nara example, hem Daniel, wea barava feel nogud taem waef bilong hem no faithful long hem. Hem sei: “Taem waef bilong mi talem hem no faithful long mi, hem olsem wanfala naef wea kat go insaed heart bilong mi. Mi feelim pain from datfala kat hem gohed for longtaem.”

Disfala Wastaoa magasin storyim iu mas no givap nomata taem

• Disaster happen

• Samwan iu lovem dae

• Marit partner no faithful

• Iu kasem big sik

• Laef hem hard tumas

So, firstaem, wanem nao iumi savve duim taem disaster happen?