Service Meeting Schedule
Week Bilong October 9
Song 97
10 min: Announcement bilong kongregeson. Talem samfala announcement from Kingdom Ministry Bilong Iumi. Iusim olketa idea long page 8 or olketa nara wei for startim story wea fitim territory bilong iu and duim demonstration long September 15 Watchtower and September Awake! witim Kingdom Nius No. 37.
15 min: “Helpem Olketa Narawan for Kamap Olketa Fren Bilong God.”a Askem audience for storyim hao example bilong narawan and prea wea kam from heart hem helpem olketa for muv ahed gogo olketa baptaes.
20 min: Prepare for Givimaot Kingdom Nius No. 37. Tok and story witim audience. Reviewim olketa arrangement for spesol waka wea iumi storyim long Kingdom Ministry Bilong Iumi for September. Encouragem evriwan for share evribit long disfala waka and for olketa pablisa wea Bible study bilong olketa gohed gud, for ting raonem sapos olketa study hia savve kamap anbaptaes pablisa and fit for tekpart long disfala spesol waka. Parents tu savve ting raonem sapos olketa pikinini bilong olketa fit for kamap anbaptaes pablisa and tekpart long disfala waka. Iusim lelebet taem for storyim olketa mark wea olketa mas kasem for kamap fit, wea stap long page 79-81 bilong Organized to Do Jehovah’s Will.
Song 99 and prea.
Week Bilong October 16
Song 7
10 min: Announcement bilong kongregeson.
20 min: Toktok Long Barava Taem Hem Gud Tumas! Story witim audience abaotem information wea stap long Wastaoa bilong January 1, 2006, page 16-19. Long introduction, mekhae long fofala gud samting wea kamaot from wei for praisem olketa narawan, wea stap anda long disfala heding “Gud Samting From Diswan.” Then askem audience for koment long olketa kwestin hia: Hu nao main wan wea fit for kasem praise? Why nao hem stret for olketa Christian brata for kasem praise wea fitim? Wanem nao samfala chance wea iumi garem insaed long kongregeson for givim praise long narawan? Why nao hem gud for praisem olketa famili member, and iumi savve praisem olketa for olketa wanem kaen samting? Hao nao praise wea iu kasem from narawan hem encouragem and strongim iu?
15 min: “Wanem Samting Nao Important Long Laef Bilong Iu?”b Askem samfala pablisa wea iu markem finis for tok abaotem hao nao olketa changem schedule bilong olketa, mekem olketa savve aftarem Kingdom firstaem, and olketa blessing wea olketa kasem from diswan.
Song 76 and prea.
Week Bilong October 23
Song 28
10 min: Announcement bilong kongregeson. Readim accounts report and eni thankiu leta for donation. Iusim olketa idea long page 8 or olketa nara wei for startim story wea fitim territory bilong iu and duim demonstration long October 1 Wastaoa and October Awake! Long wanfala demonstration, showim hao for ansarem disfala toktok for stopem story “Why nao yufela savvy kam everytaem?” Lukim Hao for Startim and Go Ahed for Story Abaotem Bible buklet, p. 12.
15 min: Need bilong kongregeson.
20 min: “Kasem Gud Samting From Meeting for Field Service.”c Taem iu storyim paragraf 3, storyim olketa koment long Kwestin Box, long paragraf 4 insaed September 2001 Kingdom Ministry Bilong Iumi, wea story abaotem wanem nao for duim taem no eni brata stap for conductim meeting for field service.
Song 60 and prea.
Week Bilong October 30
Song 91
10 min: Announcement bilong kongregeson. Remindim olketa pablisa for givim field service report and raetem bihaen long report pepa haomas Kingdom Nius No. 37 nao olketa givimaot.
15 min: Young Pipol wea Shaen Olsem Laet. Tok and story witim audience abaotem information wea stap insaed January 2006, Kingdom Ministry Bilong Iumi, page 8. Askem audience for storyim samfala naes experience wea olketa garem taem olketa witness long skul.
20 min: Olketa Experience From Wei for Offerim Kingdom Nius No. 37. Askem olketa pablisa for storyim samfala gud samting wea olketa kasem taem olketa givimaot Kingdom Nius No. 37. Talem olketa territory wea iufala duim finis, and wanem moa iufala bae need for duim mekem full territory hem finis long November 12. Duim demonstration for showim hao for iusim Savvy buk for duim return visit. Remindim olketa pablisa for givim bak eni copy bilong Kingdom Nius wea olketa bae no iusim bifor disfala spesol waka finis mekem olketa narawan savve givimaot.
Song 57 and prea.
Week Bilong November 6
Song 62
10 min: Announcement bilong kongregeson. Iusim olketa idea long page 3-4 long January 2005 Kingdom Ministry Bilong Iumi, or olketa nara wei for startim story wea fitim territory bilong iu and duim demonstration long hao for offerim Lane From Datfala Nambawan Teacher buk, long tufala last week bilong November. Sapos taem fitim, askem audience for storyim olketa gud samting wea olketa kasem taem olketa iusim disfala buk long field service or long famili bilong olketa seleva.
15 min: Waswe, Eni Samting Mekem Iu Hol Bak? Wanfala elder givim disfala tok from information wea stap long Wastaoa, April 1, 2002, page 13-15.
20 min: Preachim Word Mekem Man Strong Bak Moa. Tok and story witim audience abaotem information wea stap insaed Wastaoa, January 15, 2002, page 8-9. Askem audience for storyim hao nao ministry hem strongim olketa moa. Iu savve arrange firstaem for wan or tufala pablisa for koment abaotem diswan.
Song 4 and prea.
[Olketa Footnote]
a Iu mas talem introduction insaed wan minute, and duim olsem kwestin and ansa part.
b Iu mas talem introduction insaed wan minute, and duim olsem kwestin and ansa part.
c Iu mas talem introduction insaed wan minute, and duim olsem kwestin and ansa part.