Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long February 22, 2010. Skul overseer bae duim disfala 20-minute review wea storyim olketa samting wea kamap long olketa assignment start long week long January 4 go kasem February 22, 2010.

1. Wanem kaen tingting wea no stret nao iumi mas againstim? (Josh. 22:​9-12, 21-23) [w04 12/1 p. 12 par. 3]

2. Wanem nao mekem Joshua for talem toktok wea stap long Joshua 24:​14, 15, and wanem tingting nao iumi mas garem long diswan? [w08 5/15 pp. 17-​18 par. 4-6]

3. Wanem nao wanfala wei wea olketa wea worshipim Baal trikim and trapim olketa Israelite for joinim olketa for worshipim Baal? (Judg. 2:3) [w08 2/15 p. 27 par. 2-3]

4. Why nao Barak sei profet Deborah mas go witim hem long ples for faet? (Judg. 4:​8) [w05 1/15 p. 25 par. 4]

5. Taem iumi lane abaotem wei wea Jehovah sevem Gideon and 300 man bilong hem, datwan encouragem iumi long wanem wei? (Judg. 7:​19-​22) [w05 7/15 p. 16 par. 8]

6. Long wanem wei nao Jehovah hem “no patient bikos long trabol bilong Israel”? (Judg. 10:16) [cl pp. 254-​255 par. 10-​11]

7. Taem hem talem promis bilong hem, waswe, Jephthah ting for givim wanfala person olsem sakrifaes? (Judg. 11:​30, 31) [w05 1/15 p. 26 par. 1]

8. Waswe, paoa wea Samson kasem hem from hair bilong hem? (Judg. 16:​18-​20) [w05 3/15 p. 28 par. 4-8]

9. Hao nao wei for minim story abaotem samting wea Samson duim long Judges 16:3 savve helpem iumi? [w04 10/15 pp. 15-​16 par. 7-8]

10. From ‘evri man getius for duim samting wea stret long eye bilong hemseleva,’ waswe, diswan mekem evri samting olobaot? (Judg. 17:6) [w05 1/15 p. 27]