Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • km 9/11 p. 2
  • Jehovah Trainim Iumi for Duim Preaching Waka

Disfala sekson no garem eni video.

Sorre, disfala video no savve plei distaem.

  • Jehovah Trainim Iumi for Duim Preaching Waka
  • Kingdom Ministry Bilong Iumi—2011
  • Olketa Nara Article
  • Trainim Olketa Wakaman blo Kingdom
    Kingdom blo God Hem Rul!
  • Instruction for Olketa Skul Overseer
    Kasem Gud Samting From Theocratic Ministry Skul Education
  • 2015 Theocratic Ministry Skul Helpem Iumi for Kamap Gud Long Wei for Teach
    Kingdom Ministry Bilong Iumi—2014
Kingdom Ministry Bilong Iumi—2011
km 9/11 p. 2

Jehovah Trainim Iumi for Duim Preaching Waka

1. Wanem nao Jehovah duim, taem hem givim waka for pipol bilong hem?

1 Taem Jehovah givim waka for pipol duim, hem givim instruction tu long hao for duim datfala waka. Olsem example, taem Jehovah talem long Noah for wakem wanfala ark, Hem givim instruction tu long hao for wakem datfala ark. (Gen. 6:14-16) Taem God askem Moses for go story witim olketa bigman long Israel and Pharaoh, Jehovah promisim hem: “Miseleva nao bae helpem iu for toktok and mi bae talem iu samting wea iu mas talem.” (Ex. 4:12) Distaem tu, Jehovah givim olketa instruction long hao for iumi duim disfala preaching waka. Long Theocratic Ministry Skul and Service Meeting nao Jehovah trainim iumi for duim datwan. Wanem nao iumi savve duim for kasem gud samting from disfala training?

2. Wanem nao iumi savve duim for kasem gud samting from Theocratic Ministry Skul?

2 Theocratic Ministry Skul: Readim and studyim firstaem olketa tok long schedule for datfala week. Then taem iu herem hao olketa student iusim difren point long tok bilong olketa, datwan bae helpem iu for gohed lane hao for teach gud. (Prov. 27:17) Tekem kam Ministry Skul buk long disfala meeting and iu savve raet insaed long hem tu. Taem skul overseer iusim Ministry Skul buk for story long each student bihaen tok bilong olketa, andalaenem olketa main point wea iu laek for iusim and iu savve raet long spes long saed long buk bilong iu. Bat for barava kasem gud samting from Theocratic Ministry Skul, hem gud for joinim disfala skul. Taem iu kasem assignment for givim wanfala tok, redi gud and followim eni kaonsel wea iu kasem. Iusim wanem iu lanem taem iu long ministry.

3. Wanem nao iumi savve duim for kasem gud samting from Service Meeting?

3 Service Meeting: Sapos iumi readim and redyim firstaem ansa bilong iumi for olketa part long Service Meeting, datwan bae helpem iumi for rememberim olketa point wea iumi herem long meeting. Staka savve givim ansa sapos iumi talem olketa short ansa nomoa. Lukluk gud long olketa demonstration and iusim eni idea wea iu savve bae helpem iu long ministry. Keepim samfala spesol article from Kingdom Ministry Bilong Iumi wea savve helpem iu long ministry.

4. Why nao iumi shud iusim gud samting wea Jehovah provaedem for trainim iumi?

4 Waka wea iumi kasem for preachim gud nius hem no isi, semsem olsem waka wea Noah and Moses kasem from God. (Matt. 24:14) Sapos iumi depend long Nambawan Teacher bilong iumi Jehovah and iusim gud olketa samting wea hem provaedem for trainim iumi, bae iumi duim gud waka wea hem askem iumi for duim.—Isa. 30:20.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem