Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long June 25, 2012. Date hem stap for week wea point bae kamap long skul mekem evriwan savve duim research taem olketa prepare each week.

1. Wanem nao iumi savve lanem from wei wea Jeremiah stap laef long barava hard taem? (Jer. 37:21) [May 7, w97 9/15 p. 3 par. 4–p. 4 par. 1]

2. Long wanem wei nao olketa Christian wea garem hope for laef long disfala earth followim gudfala example bilong Ebed-melech? (Jer. 38:8-13) [May 7, su-E p. 179 par. 9]

3. Promis wea Jehovah talem long Ebed-melech showimaot wanem? (Jer. 39:15-18) [May 14, w07 4/1 p. 11]

4. Olketa “wanem bigfala samting” nao maet Baruch aftarem for hemseleva, and wanem nao iumi savve lanem from wei wea hem followim kaonsel bilong Jehovah? (Jer. 45:5) [May 21, w06-E 8/15 p. 18 par. 1; p. 19 par. 6]

5. Why nao Jehovah hem sei hem no olsem “olketa man wea harvestim grape” and “olketa man wea steal” taem hem storyim wanem hem bae duim long olketa bilong Edom? (Jer. 49:9, 10) [May 28, w77-E p. 442 par. 7–p. 443 par. 1]

6. Long wanem wei nao Jehovah ‘torowem Israel wea luk naes tumas from heven go daon long earth’? (Lam. 2:1) [June 11, w07 6/1 p. 7 par. 1]

7. Wanem nao “stul bilong Jehovah for putim leg antap” and “smol leaf haos” bilong hem? (Lam. 2:1, 6) [June 11, w07 6/1 p. 7 par. 2]

8. Wanem nao Jeremiah minim taem hem sei Jehovah bae “remember and bendaon kasem” hem, and why nao diswan hem important long iumi? (Lam. 3:20) [June 18, w07 6/1 p. 9 par. 3]

9. Why nao hem gud for man “karem yoke” taem hem young? (Lam. 3:27) [June 18, w07 6/1 p. 9 par. 5; w87-E 2/15 p. 24 par. 1]

10. Hao nao example bilong Ezekiel savve helpem iumi for no fraet nomata pipol no laek herem message wea iumi preachim? (Ezek. 3:8, 9) [June 25, w08 7/15 pp. 8-9 par. 6-7]