Wanem for Talem

For Invaetem Pipol Long Memorial

“Mifala invaetem evriwan for kam long wanfala barava important hipap. Long April 14, staka million pipol long plande kantri bae hipap for rememberim dae bilong Jesus Christ. Iumi bae herem wanfala tok from Bible abaotem gud samting wea iumi kasem from datwan. Disfala invitation pepa showim wea nao for hipap and wanem taem.”

Wastaoa March-April

“Staka pipol laekem olketa war for finis. Waswe, iu tingse enitaem full world bae garem peace? [Weit for hem ansa.] Lukim wanem Bible promisim abaotem datwan. [Readim Psalm 46:9.] Disfala magasin storyim olketa samting wea happen long World War I and olketa samting wea happen bihaen datwan. Olketa samting hia helpem iumi for luksavve klosap nao God bae mekem disfala profesi kamap tru and hem bae finisim war for olowe.”

Awake! March

“Mifala kam for storyim mining bilong wanfala verse long Bible. [Readim Genesis 1:1.] Samfala bilivim God wakem heven and earth olsem disfala verse talem, bat olketa narawan no bilivim diswan. Hao nao tingting bilong iu? [Weit for hem ansa.] Staka no sure sapos God wakem universe bikos olketa bigman bilong religion teachim difren samting from wanem Bible talem. Disfala magasin explainim wanem God duim for wakem heven and earth olsem Bible storyim.”