Wanem for Talem

For Startim Bible Study Long First Saturday Long May

“Staka pipol agree, Satan nao bihaenem olketa nogud samting wea happen long world distaem. Long tingting bilong iu, hu nao creatim Devil?” [Weit for hem ansa.] Showim haosholder article long page 16 bilong March-April Wastaoa magasin. Storyim paragraf andanit long first subheding and readim John 8:44. Offerim olketa magasin, and arrange for go bak for storyim mek-tu kwestin.

The Watchtower April 1

“Iumi evriwan savve feisim samfala problem long laef bilong iumi. From diswan, samfala tingse maet hem hard for man hapi and satisfae. Long tingting bilong iu, wanem nao mekem pipol no hapi distaem? [Weit for hem ansa.] Bible sei klosap nao God bae finisim olketa problem wea iumi kasem distaem. [Readim Revelation 21:4.] Disfala magasin storyim wanem bae happen long future and wanem iumi savve duim for hapi and satisfae distaem.”

Awake! April

“Domestic violence hem wanfala big problem evriwea long world. Samfala pipol sei reason why man duim diswan hem bikos long culture bilong hem, wei bilong famili bilong hem and olketa raf movie and game wea hem lukluk long hem. Iu tingse wanem nao kosim domestic violence? [Weit for hem ansa.] Bible storyim wanem hasband and waef savve duim for stap gud tugeta. [Readim Ephesus 5:33.] Disfala magasin storyim hao samfala hasband and waef followim olketa Bible principle for sevem marit bilong olketa.”