Theocratic Ministry Skul Review
Iumi bae storyim olketa kwestin hia long Theocratic Ministry Skul long week wea start long October 26, 2015.
Hao nao 2 Kings 13:18, 19 helpem iumi for luksavve hem important for iumi mas strong for duim waka bilong God witim full heart bilong iumi? [Sept. 7, w10 4/15 p. 26 par. 11]
Hu nao king wea rulim Israel taem Jonah waka olsem profet, and wanem nao iumi lanem from wei wea Jonah duim ministry bilong hem, olsem 2 Kings 14:23-25 storyim? [Sept. 7, w09 4/1 p. 15 par. 4]
Wanem nao Ahaz duim wea showimaot hem no trustim wanem God talem profet Isaiah for talem hem, and wanem kwestin nao maet iumi savve ting raonem taem iumi mas disaedem eni important samting? (2 Ki. 16:7) [Sept. 14, w13 11/15 p. 17 par. 5]
Wanem nao olketa Rabshakeh duim wea semsem olsem pipol wea againstim iumi distaem duim, and wanem fasin nao iumi mas garem for helpem iumi rejectim olketa laea story bilong olketa? (2 Ki. 18:22, 25) [Sept. 14, w10 7/15 p. 13 par. 3-4]
Long wanem wei nao example bilong Josiah for hambol helpem iumi taem iumi duim Bible reading and study seleva? (2 Ki. 22:19, 20, ftn.) [Sept. 21, w00 3/1 p. 30 par. 2]
Wanem nao iumi savve lanem from wei wea Josiah redyim gud olketa samting for pasova olsem 2 Kings 23:21-23 storyim? [Sept. 28, w09 6/15 p. 10 par. 19]
Wanem nao iumi savve lanem from prea bilong Jabez long 1 Chronicles 4:10? [Oct. 5, w05 10/1 p. 9]
From olketa Israelite win long faet wea 1 Chronicles 5:18-22 storyim, hao nao datwan savve strongim iumi taem iumi gohed faet insaed datfala spiritual faet? [Oct. 12, w05 10/1 p. 9 par. 7]
Wanem nao David duim wea helpem hem for minim and respectim law bilong Jehovah abaotem blood, and hao nao iumi savve followim example bilong David? (1 Chron. 11:17-19) [Oct. 19, w12 11/15 p. 6-7 par. 12-14]
Wanem nao David no duim taem hem laek for tekem ark bilong covenant go bak long Jerusalem, and wanem important leson nao iumi lanem from disfala story? (1 Chron. 15:13) [Oct. 26, w03 5/1 p. 10-11 par. 11-13]