Waswe, Toktok Bilong God Savve Helpem Iumi for Kasem Gud Samting?

Wei for readim Bible evriday savve helpem iumi for garem strongfala “faith” wea “olsem tree wea rut bilong hem stap deep insaed long graon.” (Col. 2:6, 7) Bat for toktok bilong Jehovah helpem iumi for kasem gud samting iumi mas ting raonem and followim olketa Bible principle. (Heb. 4:12; Jas. 1:22-25) Joshua 1:8 storyim thrifala samting wea helpem iumi for duim datwan: (1) Readim Bible “evri day and evri naet.” (2) “Readim and ting raonem.” Diswan minim for read slow, wea mekem man savve ting raonem wanem hem readim and wanem hem happen long datfala taem. (3) Followim gud “evri samting wea [Bible] talem.” Sapos iumi duim thrifala samting hia, bae iumi “garem gudfala laef” and bae iumi “duim samting wea wise.”