Kasem Blessing From God wea Lovem Iumi

• Hao, iu laek for stap lo world wea no garem war, raf fasin, and wei for raoa?

• Waswe, iu barava laekem sik, wei for safa, and dae for finis?

• Waswe, iu laekem tumas for no wari and stress?

• Hao, iu laek stap lo ples wea no eni natural disaster spoelem?

God blo iumi wea wakem naes planet blo iumi, hem lovem iumi. Hem promisim lo future, bae iumi garem peace and hapi for olowe. Diswan hem no wanfala dream.

Lo olketa nara article bihaen bae iumi storyim:

• Wanem Creator blo iumi duim wea showimaot hem lovem iumi olketa man

• Message blo God lo Bible for iumi

• Wanem olketa profet talem abaotem olketa blessing wea God promisim

• Wanem iumi savve duim for hapi distaem and for kasem blessing for olowe from God lo future

Distaem bae iumi storyim wanem Creator duim wea showimaot hem lovem iumi.