LAEF BLO CHRISTIAN
Jehovah Helpem Iumi for Deal Witim Olketa Hard Taem
Lo olketa last day, iumi kasem staka hard taem. Samfala taem, iumi feel olsem olketa hard taem wea iumi kasem hem tumas nao. Bat, if iumi gohed for fren gud witim Jehovah hem bae helpem iumi for deal witim olketa hard taem wea iumi kasem. (Isa 43:2, 4) Taem iumi deal witim olketa hard taem, wat nao iumi savve duim for klos lo Jehovah?
Prea. Taem iumi storyim lo Jehovah evri samting wea stap lo heart blo iumi, hem bae givim iumi peace and strong for no givap.—Php 4:6, 7; 1Th 5:17.
Olketa Meeting. Winim enitaem bifor, iumi needim spiritual kaikai wea Jehovah provaedem and for associate witim olketa brata and sista lo olketa meeting. (Heb 10:24, 25) Taem iumi prepare, attend, and tek part lo olketa meeting blo kongregeson, spirit blo Jehovah savve barava helpem iumi.—Re 2:29.
Ministry. Sapos iumi gohed for busy lo ministry hem bae isi for iumi garem positive tingting. Hem bae strongim tu wei wea iumi fren witim Jehovah and olketa brata and sista blo iumi.—1Co 3:5-10.
WATCHIM VIDEO JEHOVAH BAE LUKAFTAREM IU, AND THEN ANSAREM OLKETA KWESTIN HIA:
Wat nao helpem Malu for stap klos lo Jehovah nomata hem kasem olketa hard taem?
Olsem Malu, hao nao olketa toktok lo Psalms 34:18 savve comfortim iumi lo olketa hard taem wea kasem iumi?
Taem iumi kasem hard taem, hao nao experience blo Malu showim dat Jehovah bae givim iumi “strong” wea winim wanem iumi garem?—2Co 4:7