Hao, God Nao Creatim Devil?

Ansa from Bible

Bible showim dat God no creatim Devil. Instead, Hem creatim person wea kamap Devil. Bible sei olsem abaotem God: “Evri samting wea hem duim hem perfect, evri wei blo hem followim justice. Hem God wea faithful, wea hem evritaem duim samting wea followim justice, hem raeteous and hem evritaem duim stret samting.” (Deuteronomy 32:3-5) Verse hia showim dat lo firstaem Satan wea hem Devil hem perfect and raeteous, hem wanfala lo olketa angel blo God.

Lo John 8:44, Jesus talem dat Devil “no gohed followim truth,” datwan minim lo firstaem Satan bin followim truth and hem no duim eni rong samting.

Bat, olsem evri nara angel blo Jehovah, Satan tu garem freedom for chusim wat hem stret and wat hem rong. Taem hem chus for againstim God and switim first human couple for joinim hem, hem mekem hemseleva kamap Satan, wea minim “Man for againstim man.”—Genesis 3:1-5; Revelation 12:9.