Waswe, Olketa Woman Bilong Iufala Savve Minister?

Yes. Evri Jehovah’s Witness hem minister wea preach, wea insaed diswan hem plande million woman tu. Olsem Bible talem, “staka woman talemaot gud nius.”​—Psalm 68:11, NET Bible.

Olketa woman wea Jehovah’s Witness followim example bilong olketa woman long Bible. (Proverbs 31:10-​31) Nomata olketa no kasem waka for lead long kongregeson, olketa duim plande samting long preaching waka bilong mifala. Olketa helpem pikinini bilong olketa for followim wanem Bible talem tu. (Proverbs 1:8) Long samting wea olketa talem and duim, olketa woman wea Jehovah’s Witness trae for helpem olketa narawan for kasem gud samting.​—Titus 2:​3-5.