Wat Nao Bigfala Trabol?

Ansa from Bible

Bigfala trabol bae hem kosim trabol wea no enitaem hem happen lo history blo olketa man. According lo Bible profesi, datwan bae happen during “olketa last day,” or “taem blo end.” (2 Timothy 3:1; Daniel 12:4, New American Bible) Bae hem “wanfala taem blo trabol wea winim eni trabol wea happen start kam lo taem God wakem evri samting go kasem dat taem, and no enitaem moa trabol olsem bae happen.”​—Mark 13:19; Daniel 12:1; Matthew 24:21, 22.

Events wea bae happen during bigfala trabol

• Olketa false religion bae distroe. Kwiktaem nomoa, olketa false religion bae distroe. (Revelation 17:​1, 5; 18:​9, 10, 21) Olketa politikol paoa wea United Nations representim bae duim samting wea God laekem, wea hem nao for distroem olketa false religion.​—Revelation 17:​3, 15-​18.a

• Attakim tru religion. Wanfala grup blo olketa nation, wea lo vision blo Ezekiel hem refer lo olketa olsem “Gog from land blo Magog,” bae trae for finisim olketa wea followim tru religion. Bat, God bae protectim olketa worshiper blo hem.​—Ezekiel 38:​1, 2, 9-​12, 18-​23.

• Judgem evriwan lo earth. Jesus bae judgem evriwan lo earth and hem “bae separatem pipol lo tufala grup, olsem wanfala shepherd hem separatem olketa sheepsheep from olketa goat.” (Matthew 25:31-​33) Basis lo judgment blo hem bae followim if man sapotim, or no sapotim “olketa brata” blo Jesus, olketa wea bae rul witim hem lo heven.​—Matthew 25:34-​46.

• Hipimap olketa wea bae rul lo Kingdom. Olketa faithful wan wea God chusim for rul witim Christ bae finisim waka blo olketa lo earth and bae resurrect for laef lo heven.​—Matthew 24:31; 1 Corinthians 15:50-​53; 1 Thessalonians 4:​15-​17.

• Armageddon. Disfala “war wea hem bigfala day blo God, datfala Olmaeti” olketa kolem tu lo “day blo Jehovah.” (Revelation 16:14, 16; Isaiah 13:9; 2 Peter 3:​12) Olketa wea Christ judgem dat olketa nogud, bae distroe. (Zephaniah 1:​18; 2 Thessalonians 1:​6-​10) Diswan bae includim tu politikol system blo full world, wea datfala wild animal wea garem sevenfala hed representim.​—Revelation 19:19-​21.

Events wea bae happen afta bigfala trabol

• Putim Satan and olketa demon lo prison. Wanfala strong angel bae torowem Satan and olketa demon “insaed datfala abyss,” wea minim olketa no garem paoa for duim eni samting, hem olsem olketa dae. (Revelation 20:​1-3) Condition blo Satan taem hem lo abyss hem olsem man stap lo prison. Hem bae no garem paoa for influencim eniwan.​—Revelation 20:7.

• Wan Thousand year rul hem start. Kingdom blo God bae startim 1,000-year rul blo hem, wea bae givim staka blessing for olketa man. (Revelation 5:​9, 10; 20:​4, 6) “Wanfala big crowd” wea no eniwan fit for kaontem bae “no dae lo datfala big trabol,” and lukim start blo datfala Wan Thousand year rul.​—Revelation 7:​9, 14; Psalm 37:​9-​11.