Introduction blo Sekson 10

Jehovah hem King ovarem evri samting. Hem evritaem duim samting for sevem pipol blo hem, and bae hem gohed for duim datwan. Example, Jehovah rescuem Jeremiah taem olketa laek killim hem dae. Jehovah sevem Shadrach, Meshach, and Abednego from wanfala big fire wea hot tumas and hem sevem Daniel from olketa lion. And tu, Jehovah protectim Esther mekem hem savve sevem evri pipol blo hem. Jehovah bae no letem olketa nogud samting for gohed for olowe. Olketa profesi abaotem datfala maeti image and datfala big tree mekem iumi sure dat klosap nao Kingdom blo Jehovah bae finisim evri nogud samting and rul ovarem disfala earth.