Introduction blo Sekson 11

Disfala sekson introducem olketa story lo Christian Greek Scripture. Jesus born insaed famili wea garem simpol laef wea stap lo wanfala smol taon. Hem waka witim dadi blo hem wea hem wanfala carpenter. Jesus nao man wea bae sevem iumi. Jehovah chusim hem for King lo Kingdom lo heven. If iu wanfala dadi or mami, helpem pikinini for appreciatim hao Jehovah chusim gud famili and environment wea Jesus bae growap insaed. Storyim hao Jehovah protectim Jesus for Herod no killim hem dae and no eniting savve stopem plan blo Jehovah. Lanem hao Jehovah chusim John for redyim wei for Jesus. Mekhae lo wei wea Jesus laekem tumas toktok blo Jehovah nomata hem young.