Introduction blo Sekson 12

Jesus teachim pipol abaotem Kingdom lo heven. Hem teachim olketa tu for prea for nem blo God holy, for Kingdom blo hem kam, and for duim will blo hem lo earth. If iu wanfala dadi or mami, storyim lo pikinini mining blo datfala prea and why datwan hem important. Jesus no letem Satan for spoelem wei wea hem loyal. Jesus chusim olketa aposol blo hem and olketa nao first wan lo Kingdom wea duim olketa barava important waka. Lanem hao Jesus hem strong for sapotim tru worship. Jesus laek for helpem pipol, so hem healim olketa wea sik, feedim olketa wea hangere, and mekem olketa wea dae for laef bak. Evri mirakol hia showim wat Kingdom bae duim for iumi olketa man.