STUDY 7

Teachim Stret Samting

Luke 1:3

WANEM FOR DUIM: Storyim information wea audience fit for trustim and wea bae helpem olketa for kasem stretfala savve.

Storyim information wea man fit for trustim. Mekhae long wanem Bible talem, and read from Bible sapos fitim. Sapos iu storyim samting abaotem science, wanfala nius report, wanfala experience, or iu iusim olketa nara reference for sapotim wanem iu talem, mek sure man fit for trustim and hem latest wan.
Iusim information long stretfala wei. Taem iu explainim scripture, hem shud stret witim olketa nara samting wea Bible talem and witim olketa pablikeson bilong “wakaman wea faithful and wise.” (Matt. 24:45) Sapos iu iusim olketa nara reference for helpem iu explainim point, olsem wanfala nius report, no changem mining bilong datfala information.

Taem iu storyim namba or nara information, no changem or extram. Olsem example, sapos reference sei “samfala pipol” no sei “klosap evriwan,” or sapos hem sei “samfala taem” no sei “evritaem,” or sapos hem sei “luk olsem hem no happen” no sei “hem no happen nao.”
Story raonem information. Bihaen iu readim scripture or storyim wanfala reference, askem samfala kwestin or iusim tokpiksa or example for helpem olketa wea lisin for kasem point.