HAO FOR STARTIM STORY
LESON 6
No Fraet
Principle: “Olketa nating fraet nao for talemaot message bilong God.”—Acts 4:31.
Wat Jesus Duim
1. Watchim VIDEO, or readim Luke 19:1-7. Then ting raonem olketa kwestin hia:
Why nao maet samfala pipol no laekem Zacchaeus?
Nomata olsem, wat nao mekem Jesus for sharem gud nius witim hem?
Wat Nao Iumi Lanem From Jesus?
2. Iumi needim wei for no fraet for preachim Kingdom message lo evriwan.
Followim Example blo Jesus
3. Depend lo Jehovah. Spirit blo God strongim Jesus for preach, and hem savve strongim iu tu. (Matt. 10:19, 20; Luke 4:18) Askem Jehovah for helpem iu no fraet for preach lo olketa wea iu maet fraetem.—Acts 4:29.
4. No judgem pipol. Maet iumi hol bak for story lo samfala pipol bikos lo lukluk blo olketa, olketa garem hae position and staka selen, laef stael, or biliv blo olketa. Bat tingim:
Jehovah and Jesus lukim heart blo pipol. Bat iumi nomoa.
Mercy blo Jehovah hem big tumas.
5. No fraet bat balance and garem gudfala tingting. (Matt. 10:16) No argue. Sapos man no willing for lisin lo gud nius or if iu no feel sef, stopem story lo kaenfala wei.—Prov. 17:14.