Olketa Instruction for Christian Laef and Ministry blo Iumi Meeting
Insaed
1. Olketa instruction lo disfala document bae helpem evriwan wea garem wanfala part lo Christian Laef and Ministry blo Iumi meeting. Each wan shud reviewim firstaem olketa instruction lo Laef and Ministry Meeting buk and disfala document bifor olketa preparem part blo olketa. Evri pablisa shud evritaem redi for givim part blo olketa, sapos olketa kasem student assignment. Eniwan wea gohed attendim olketa meeting witim kongregeson savve tekpart, sapos hem agree witim olketa teaching lo Bible and laef blo hem followim olketa Christian principle. Laef and Ministry Meeting overseer shud discussim olketa requirement witim eniwan wea laek joinim skul, nomata hem no wea no pablisa yet bat wea showimaot hem interest for joinim skul, and then savve letem datfala person savve sapos hem qualify. Taem olketa story witim hem, Bible study conductor blo hem shud stap (or wanfala parents blo hem wea insaed truth). Olketa requirement hia hem semsem tu olsem taem samwan laek for kamap wanfala anbaptaes pablisa.—od chap. 8 par. 8.
INTRODUCTION
2. 1 minute. Each week, bihaen lo firstfala song and prea, Laef and Ministry Meeting chairman bae talem samfala koment for mekem evriwan luk forward lo program. Chairman shud focus lo olketa point wea bae helpem olketa lo kongregeson.
GUD SAMTING FROM BIBLE
3. Tok: 10 minute. Theme for disfala tok witim tu-thri main point blo hem stap insaed Laef and Ministry Meeting Buk. Elder or ministerial servant wea qualify, savve kasem assignment for duim disfala tok. Taem schedule lo Bible reading for datfala week startim niu buk lo Bible, kongregeson bae lukim wanfala video wea introducem datfala buk. Speaker savve storyim hao video hia join witim theme. Bat, hem mas mek sure hem storyim olketa point wea stap lo meeting buk. And tu, sapos taem hem fitim, speaker shud story raonem olketa piksa and olketa point from scripture for mekem olketa point lo tok kamap klia. Hem savve iusim tu eni nara reference sapos hem fitim point wea stap lo aotlaen.
4. Faendem Gudfala Point: 10 minute. Diswan hem kwestin and ansa part wea no garem introduction or conclusion. Elder or ministerial servant wea qualify shud duim diswan. Hem shud askem audience evri kwestin. Hem savve chus for readim evri verse or nomoa. Koment blo each wan lo audience mas no winim 30 second.
5. Bible Reading: 4 minute. Disfala student assignment only olketa man savve duim. Student shud readim nomoa olketa verse and no talem introduction or conclusion. Chairman blo meeting bae interest for helpem olketa student for read lo stretfala wei, for mining hem klia, lo smoothfala wei, stretfala wei for strongim olketa main word, changem voice, stop lelebet lo ples wea fitim, and for read lo natural wei. From samfala Bible reading hem short, and samfala long, Laef and Ministry Meeting overseer shud chusim student followim hao bae hem fit for readim.
DUIM GUD MINISTRY BLO IU
6. 15 minute. Disfala sekson lo meeting hao olketa wakem hem for givim chance lo evriwan for practice for duim ministry and for kamap gud lo wei for story and savve gud hao for preach and teach. Evritaem, olketa elder savve kasem olketa student assignment. Each student shud waka lo study point from Teach Gud buk or Lovem Pipol brochure wea stap insaed bracket next lo assignment part insaed Laef and Ministry Meeting Buk. Samfala taem, wanfala part bae kamap lo schedule for story tugeta witim kongregeson. Olketa part olsem, wanfala elder or ministerial servant wea qualify nao bae duim.—Lukim paragraf 15 abaotem hao for givim olketa part wea iu bae story witim kongregeson.
7. Hao for Startim Story: Disfala student assignment evriwan wea joinim skul garem chance for duim. Haosholder hem mas sem gender sapos hem no wanfala famili member. Student and haosholder savve sidaon or standap.—For kasem moa information abaotem hao for duim and setting for disfala assignment, lukim paragraf 12 and 13.
8. Hao for Continue Lo Story: Disfala student assignment evriwan wea joinim skul garem chance for duim. Haosholder hem mas sem gender. (km 5/97 p. 2) Student and haosholder savve sidaon or standap. Student duim demonstration abaotem wat hem bae talem for continue moa lo story.—For kasem moa information abaotem hao for duim and setting for disfala assignment, lukim paragraf 12 and 13.
9. Hao for Mek Disaepol: Disfala student assignment evriwan wea joinim skul garem chance for duim. Haosholder hem mas sem gender. (km 5/97 p. 2) Student and haosholder savve sidaon or standap. Disfala part shud showim demonstration blo Bible study wea kasem midol blo study. Sapos student no waka lo study point abaotem introduction or conclusion, no need for talem introduction or conclusion. Nomata student savve chus for readim paragraf, hem olraet nomoa for no readim big evri paragraf wea olketa markem.
10. Explainim Wat Iu Bilivim: Taem instruction showim hem wanfala tok, disfala student assignment only olketa man savve duim. Taem instruction showim hem wanfala demonstration, evriwan wea joinim skul garem chance for duim. Haosholder hem mas sem gender sapos hem no wanfala famili member. Student shud givim ansa wea klia and stret followim theme and iusim information insaed reference wea olketa provaedem. Student bae disaed seleva sapos hem bae talem nem blo reference pablikeson wea hem iusim lo tok blo hem or nomoa.
11. Tok: Disfala student assignment olketa man nomoa savve duim and bae givim olsem wanfala tok for kongregeson. Taem tok kam from wanfala point lo appendix A blo Lovem Pipol brochure, student shud haelaetim hao for iusim olketa verse hia lo ministry. For example, hem savve explainim wanem taem for iusim wanfala verse, mining blo verse hia, and hao for storyim datwan witim samwan. Taem tok kam from wanfala point lo olketa leson insaed Lovem Pipol brochure, student shud focus lo hao for applyim datfala point lo ministry. Hem savve haelaetim example lo point 1 blo datfala leson or haelaetim eni nara scripture wea stap lo datfala leson, if datwan bae help.
12. Hao for Duim: Olketa information lo disfala paragraf and next paragraf hem for taem iumi duim “Hao for Startim Story” and “Hao for Continue lo Story part.” Goal blo student hem for sharem wanfala simpol truth lo Bible wea fitim man wea hem story witim, and startim story wea bae gohed moa lo future. Student shud chusim wanfala topic wea fitim situation and ples. Student bae disaed sapos hem laek for introducem wanfala pablikeson or video from Teaching Toolbox. Winim wei for memorizim wanfala presentation, student shud practicem olketa difren wei for story olsem for showimaot interest lo olketa narawan and for story lo natural wei.
13. Setting: Student shud applyim setting wea hem assign for duim followim situation blo hem. For example:
(1) Haos tu Haos: Disfala setting hem includim haos tu haos, preach lo telephone, raetem leta and wei for continue lo story witim samwan wea iu meetim bifor lo haos tu haos ministry.
(2) Enitaem Witnessing: Disfala setting hem taem iumi iusim eni chance wea iumi garem for story, wea lead go lo wei for givim witness. Hem includim tu wei for sharem wanfala scripture lo samwan iumi waka tugeta, lo skul, olketa neiba, lo olketa pablik transport and eni nara ples wea iumi savve meetim pipol evriday.
(3) Pablik Witnessing: Disfala setting hem includim trolley witnessing, visitim olketa bisnis ples, street witnessing, or witnessing lo olketa park, parking area, or eni ples wea pipol stap.
14. Iusim Olketa Video and Literature: Hem depend lo situation, wanfala student maet disaed for iusim video or literature. If wanfala student assignment includim wanfala video or if student chus for iusim video, hem savve introducem and storyim datfala video bat no pleim.
LAEF BLO CHRISTIAN
15. Bihaen lo song, next 15 minute lo disfala sekson hem bae garem wan or tufala part wea olketa wakem for helpem audience for followim wat Bible talem. Olketa part hia hem bae assign lo olketa elder and olketa ministerial servant wea qualify, bat sapos hem need blo kongregeson part, wanfala elder nao mas duim. Taem instruction showim “Story tugeta witim kongregeson,” speaker bae gohed askem olketa kwestin lo audience and askem tu olketa kwestin wea olketa provaedem. Hem shud garem short introduction mekem hem savve garem taem for storyim olketa main point and taem for audience tek part. Sapos wanfala interview bae kamap, hem bae gud for datwan wea bae interview for go lo stage winim for hem sidaon nomoa lo audience.
16. Kongregeson Bible Study: 30 minute. Elder wea qualify nao bae duim disfala part. (Kongregeson wea no garem inaf elder savve iusim ministerial servant wea qualify, taem need kamap.) Body of elders shud disaedem hu nao qualify for conductim Kongregeson Bible Study. Olketa wea kasem approval shud fit for conductim disfala study lo gudfala wei, followim taem, mekhae lo olketa main scripture, and helpem evriwan for tinghae lo olketa gud samting wea olketa kasem taem olketa iusim olketa point wea study storyim. Olketa wea kasem approval hia bae kasem gud samting from wei for reviewim olketa direction abaotem hao for conductim olketa kwestin and ansa part. (w23.04 p. 24, box) Taem kongregeson storyim finis evri material for datfala week, no need for storyim extra information just for kavarem datfala 30 minute. Sapos hem fitim, difren conductor and reader shud tekem disfala study each week. Sapos Laef and Ministry Meeting chairman talem for mekem study short, then conductor mas disaedem hao for duim datwan. Maet conductor chus for no readim samfala paragraf.
CONCLUSION
17. 3 minute. Laef and Ministry Meeting chairman bae mek hae lo olketa gudfala point from meeting. Hem shud storyim information wea bae kamap lo next meeting. Sapos inaf taem stap, hem savve talem nem blo olketa student wea garem assignment lo next meeting. Sapos chairman no kasem eni nara information, bae hem talem eni announcement or readim eni leta wea kongregeson kasem. No eni announcement olsem field service arrangement and schedule for klining shud kamap from platform, olketa announcement olsem shud stap lo information board. Sapos wei for talem olketa announcement or readim olketa leta bae mekem conclusion for winim 3 minute, chairman shud askem olketa brata wea garem olketa part lo Laef blo Christian sekson blo meeting for katem short tok blo olketa mekem meeting no ovataem. (Lukim paragraf 16 and 19.) Meeting bae finis witim song and prea.
PRAISEM STUDENT AND GIVIM KAONSEL
18. Bihaen lo olketa student assignment, Laef and Ministry Meeting chairman garem wan minute nomoa for praisem student and givim hem kaonsel from study point wea hem waka lo hem. Taem chairman introducem assignment blo student, hem bae no talem study point. Bat, bihaen student finisim assignment blo hem, and bihaen chairman storyim olketa samting wea student duim gud lo assignment, hem savve talem study point and storyim hao datfala student followim gud datfala point or why hem bae gud for student waka moa lo hem. Chairman savve mek hae lo nara point lo demonstration sapos hem ting diswan bae helpem student or audience. And tu, samfala nara point for helpem student hem kam from Lovem Pipol brochure, Teach Gud brochure, or Ministry Skul buk abaotem study point wea olketa markem or narafala study point wea savve helpem student.—For kasem moa information abaotem waka blo Laef and Ministry Meeting chairman and mek tu brata for givim kaonsel, lukim paragraf 19, 24, and 25.
TIMING
19. No part should go overtime, and koment blo Laef and Ministry Meeting chairman mas no winim taem wea olketa markem. Nomata sapos Laef and Ministry Meeting buk markem taem finis for each part, if point hem kavarem finis, hem no need for addim eni nara extra information wea bae tekem tumas taem. Sapos eni nara part lo meeting hem ovataem, Laef and Ministry Meeting chairman or mek-tu brata for givim kaonsel shud givim private kaonsel lo datwan wea givim part. (Lukim paragraf 24 and 25.) Full meeting, witim olketa song and prea, mas 1 hour and 45 minute.
VISIT BLO CIRCUIT OVERSEER
20. Taem circuit overseer visitim kongregeson, program lo Laef and Ministry Meeting Buk bae semsem, bat circuit overseer bae duim wanfala 30-minute tok for changem Kongregeson Bible Study. Bifor service tok blo circuit overseer, Laef and Ministry Meeting chairman bae reviewim program, storyim samfala point wea bae kamap lo meeting for next week, talem eni announcement or readim eni leta, then introducem circuit overseer. Bihaen lo service tok, circuit overseer bae finisim meeting witim song wea hem chusim. Circuit overseer or nara brata wea hem askem bae duim last prea. No eni mek-tu class lo languis blo kongregeson shud kamap lo week blo circuit visit. Meeting blo wanfala languis grup savve gohed nomata lo taem wea circuit overseer visitim kongregeson. Bat datfala grup shud joinim kongregeson for herem service tok blo circuit overseer.
WEEK BLO ASSEMBLY OR CONVENTION
21. No eni kongregeson meeting bae kamap lo week blo assembly or convention. So kongregeson shud kasem reminder for each famili or man wanwan shud lukluk lo information for olketa meeting part for datfala week lo own taem blo olketa.
WEEK BLO MEMORIAL
22. Sapos Memorial bae kamap lo eni day midol lo week, bae no eni Laef and Ministry Meeting kamap lo datfala full week.
LAEF AND MINISTRY MEETING OVERSEER
23. Wanfala elder wea body of elders markem bae kamap Laef and Ministry Meeting overseer. Hem nao garem responsibility for mek sure disfala meeting hem organize gud and followim olketa instruction hia. Hem shud waka gud tugeta witim mek-tu brata for givim kaonsel. Stretawe bihaen Laef and Ministry Meeting Buk hem arrive, Laef and Ministry Meeting overseer bae assignim evri part blo midol week meeting for tufala month hia evriwan. Insaed diswan hem no olketa student part nomoa, bat evri assignment and chairman tu, hem bae chusim olketa wea body of elders appruvim. (Lukim paragraf 3-16 and 24.) Taem for markem olketa student assignment, hem shud ting raonem tu wat nao age blo student, savve blo hem and wei blo hem for story. Hem bae ting raonem datwan tu taem hem assignim olketa nara part lo meeting. Evri assignment hem shud givimaot at least thri-fala week bifor date blo assignment. Hem bae iusim Christian Laef and Ministry blo Iumi Meeting Assignment (S-89) form for raetem assignment blo olketa student. Laef and Ministry Meeting overseer shud mek sure wanfala copy blo assignment schedule for full meeting hem stap lo information board. Body of elders maet markem nara elder or ministerial servant for helpem hem. Nomata olsem, for olketa part wea hem no wanfala student part, elder nomoa shud assignim olketa brata wea bae duim olketa part hia.
LAEF AND MINISTRY MEETING CHAIRMAN
24. Evri week, wanfala elder bae chairman for Laef and Ministry Meeting. (Sapos no staka elder stap, wanfala ministerial servant wea qualify savve duim.) Datfala chairman nao bae redyim introduction and olketa koment lo end blo meeting. Hem bae introducem tu evri tok and depend lo haomas elder nao lo kongregeson, hem maet garem olketa nara tok lo meeting tu, especially olketa part wea garem video and lelebet toktok nomoa. Olketa koment wea hem talem midolwan lo olketa tok shud barava short. Olketa elder bae disaedem hu lo olketa elder nao kasem mark for duim assignment olsem chairman. Olketa elder wea qualify bae kasem assignment for chairman followim schedule. Maet Laef and Ministry Meeting overseer duim waka olsem chairman staka taem winim olketa nara elder, bat diswan depend lo hao mas elder nao stap lo kongregeson. Sapos wanfala elder hem qualify for conductim Kongregeson Bible Study, datwan minim hem qualify tu for duim chairman. Bat plis tingim, elder wea chairman mas givim kaenfala praise and kaonsel lo olketa wea garem student assignment. Chairman garem responsibility tu for mek sure meeting hem no ovataem. (Lukim paragraf 17 and 19.) Sapos chairman laekem, and stage hem garem inaf spes, olketa savve putim wanfala microphone stand lo saed blo stage, for hem introducem next tok lo sem taem wea brata wea bae duim datfala tok redi lo main microphone. Sapos chairman laekem, olketa savve putim chair and tebol lo stage for hem iusim taem Bible reading assignment and taem Duim Gud Ministry blo Iu sekson blo meeting gohed. Diswan savve help for sevem taem.
MEK-TU BRATA FOR GIVIM KAONSEL
25. Hem gud for iusim elder wea hem gudfala speaker for duim disfala assignment. Responsibility blo datfala mek-tu brata for givim kaonsel (auxiliary counselor), hem for givim private kaonsel sapos olketa elder and ministerial servant needim datwan, abaotem assignment wea olketa duim lo Laef and Ministry Meeting, pablik tok, and for conductim or read lo Wastaoa Study or Kongregeson Bible Study. (Lukim paragraf 19.) Sapos kongregeson garem staka elder wea gudfala teacher and speaker, wanfala elder savve kamap mek-tu brata for givim kaonsel for wanfala year and next elder lo nara year. Mek-tu brata for givim kaonsel no tingse hem need for givim kaonsel bihaen lo evri assignment.
OLKETA NARA CLASS
26. Sapos staka student stap, kongregeson savve mekem olketa nara class for olketa student assignment. Evri class shud garem wanfala brata wea qualify for givim kaonsel, bae hem gud sapos disfala brata hem wanfala elder. Sapos no inaf elder, wanfala ministerial servant wea qualify savve kasem disfala assignment. Body of elders nao bae disaedem hu nao fit for duim disfala waka and sapos disfala assignment bae change evri week or semsem brata nomoa bae duim. Datfala brata for givim kaonsel shud followim instruction lo paragraf 18. Sapos kongregeson garem nara class, olketa student bae go lo class rum bihaen lo Faendem Gudfala Point tok lo Gud Samting From Bible sekson blo meeting. Olketa shud kam bak for joinim kongregeson bihaen last assignment tok .
OLKETA VIDEO
27. Bae olketa video kamap insaed lo Laef and Ministry Meeting. Olketa video for midol week meeting bae stap lo JW Library® app wea evriwan savve daonlodim lo device blo olketa.
© 2023 Watch Tower Bible and Tract Society of Pennsylvania
S-38-SP 11/23