Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • w02 12/15 pp. 23-25
  • Garem Sem Wei for Ting Long Samting Olsem God

Disfala sekson no garem eni video.

Sorre, disfala video no savve plei distaem.

  • Garem Sem Wei for Ting Long Samting Olsem God
  • Wastaoa wea Talemaot Kingdom Bilong Jehovah—2002
  • Subheding
  • Olketa Nara Article
  • Garem Sem Wei for Ting Long Samting Olsem God
  • Gudfala Advaes for Garem Sem Wei for Ting Long Samting Olsem God
  • Hapi Long Kingdom Hope!
    Wastaoa wea Talemaot Kingdom Bilong Jehovah—2001
  • Willing Spirit Muvim Pipol for Kam Long Gilead
    Wastaoa wea Talemaot Kingdom Bilong Jehovah—2001
  • Samting Muvim Olketa for Serve
    Wastaoa wea Talemaot Kingdom Bilong Jehovah—2000
  • Olketa Gilead Student Kasem Encouragement for Talemaot “Olketa Nambawan Samting”
    Wastaoa wea Talemaot Kingdom Bilong Jehovah—2003
Samfala Moa
Wastaoa wea Talemaot Kingdom Bilong Jehovah—2002
w02 12/15 pp. 23-25

Garem Sem Wei for Ting Long Samting Olsem God

SUN hem shaen long New York, U.S.A., long September 14, 2002. Long datfala day, 6,521 pipol from planti difren kantri hipap long Patterson Educational Center and long Brooklyn and Wallkill. Datfala crowd hipap for graduation bilong mek-113 class bilong Watchtower Bible Skul Bilong Gilead. Olketa student kam from 14 kantri and for faevfala month olketa kasem training for olketa missionary assignment long 19 difren kantri.

Carey Barber, wanfala member bilong Governing Body bilong Olketa Jehovah’s Witness wea hem 97 year distaem, hem chairman for disfala program. Hem mekhae long wei wea Gilead Skul hem go ahed for klosap 60 year and trainim planti thousand pipol for missionary service. Brata Barber hem sei: “Hem no ova tumas for iumi sei olketa nambawan samting kamaot from disfala training. From help wea olketa missionary wea kasem training givim, planti handred thousand pipol wea garem kwaet fasin raonem full earth dedicatem laef bilong olketa long Jehovah and join insaed tru worship and holy service bilong hem.”

Bifor olketa attendim Gilead, planti long olketa student showimaot finis olketa laek for share insaed ministry long bigfala wei moa. Wanfala hasband and waef skulim Chinese languis for winim wan year for helpem bigfala Chinese community long hom bilong olketa long Canada. Narafala hasband and waef start for lanem Albanian languis and gogo olketa muv go long Albania for helpem pipol wea start for interest long Bible long there. Samfala nara student kam long Gilead from olketa kantri wea olketa muv go long olketa olsem Hungary, Guatemala, and Dominican Republic, wea garem bigfala need for olketa wea savve teachim Word bilong God.

Distaem, bifor olketa go long olketa assignment long Africa, Eastern Europe, Central and South America, and Far East, evri student wea graduate kasem encouragement for tingim God long evri samting olketa duim.

Garem Sem Wei for Ting Long Samting Olsem God

Bihaen long introduction bilong program, Brata Barber introducem Maxwell Lloyd, wanfala member bilong United States Branch Komiti. Hem mekhae long theme “Garem Sem Wei for Ting Long Samting Olsem God.” Brata Lloyd storyim example bilong David and Son bilong God, Jesus. (1 Samuel 24:6; 26:11; Luke 22:42) Hem remindim olketa student hao wei wea olketa studyim Bible for faevfala month hem trainim olketa for ting long samting long sem wei wea God ting long hem, then speaker hem ask olsem: “Taem iu conductim olketa Bible study witim pipol long niu assignment bilong iu, waswe, bae iu helpem olketa for ting long samting long sem wei wea God ting long hem?” Saed long wei for kaonselem narawan, hem givim disfala advaes for olketa student: “No sei, ‘Long tingting bilong mi, mi tingse . . . ’ Bat, helpem olketa for minim tingting bilong God. Sapos iu duim olsem, bae iu kamap wanfala really blessing for olketa wea iu kaban witim long assignment bilong iu.”

Next speaker long program hem Gerrit Lösch, wanfala member bilong Governing Body. Taem hem storyim theme “Mi Stap Witim Iu,” hem mekhae long planti taem wea Jehovah sei long olketa faithful servant bilong hem, “Mi stap witim iu.” (Genesis 26:23, 24; 28:15; Joshua 1:5; Jeremiah 1:7, 8) Distaem, iumi tu savve garem semkaen trust long Jehovah sapos iumi stap faithful. Brata Lösch hem sei: “Waswe, iu wari nogud iu no savve faendem pipol wea laek for studyim Bible? Remember, Jehovah hem talem finis, ‘Mi stap witim iu.’ Waswe, iu wari nogud iu no garem inaf material samting? Jehovah talem finis: ‘Mi bae nating lusim iu and bae nating forgetim iu.’ ” (Hebrews 13:5) Long conclusion, Brata Lösch remindim olketa student hao Jesus promis for stap witim olketa faithful follower bilong hem long datfala waka for mek disaepol.—Matthew 28:20.

Theme bilong Lawrence Bowen, wanfala Gilead instructor hem, “Waswe, Bae Iu Faendem Sef Ples Insaed Long Fire?” Hem talem hao from olketa kwestin wea kamap long Eden, evriwan wea laek for servem Jehovah feisim olketa hardfala samting and samfala taem, olketa test wea olsem fire. Hem encouragem olketa student wea graduate for followim example bilong Jesus, wea faendem trufala sef ples taem hem depend evribit long Jehovah and acceptim olketa test wea olsem fire wea Jehovah letem hem kasem for mekem wei wea hem obey kamap perfect. (Hebrews 5:8, 9) Iumi savve markem Jehovah witim man wea klinim gold wea barava savve haomas for hotem datfala gold for aotem eni dirty samting. Tru nao, faith wea kasem test olsem fire hem mekem man stap moa sef winim sef living wea klinfala gold savve givim man. Why nao olsem? Brata Bowen hem sei, “Bikos faith wea kasem test olsem fire savve stap strong long enikaen test and hem savve mekem iumi go ahed strong go kasem ‘end.’ ”—Matthew 24:13.

Narafala Gilead instructor, Mark Noumair, hem ask: “Waswe, Bae Pipol Laekem Iu?” Theme bilong hem kam from toktok long 1 Samuel 2:26, wea sei Samuel “garem fasin wea Jehovah and olketa man laekem tumas.” Bihaen hem storyim finis example bilong Samuel, Brata Noumair, wea serve olsem missionary long Africa for winim tenfala year, hem sei: “Iu tu savve kamap man wea God laekem tumas sapos iu loyal for go ahed long waka wea God givim iu for duim. Hem givim iu wanfala spesol missionary assignment.” Then Brata Noumair encouragem datfala class wea graduate for ting long assignment bilong olketa olsem wanfala holy responsibility from God and for garem sem tingting olsem God taem olketa fulfillim assignment bilong olketa.

Taem olketa attendim Gilead, olketa student garem planti chance long olketa weekend for sharem witim pipol long datfala area “olketa nambawan samting bilong God” from Bible. (Acts 2:11) Olketa storyim olketa samting hia long tenfala difren languis. Narafala Gilead instructor, Wallace Liverance, interviewim samfala student wea talem olketa experience long part wea garem theme “ ‘Olketa Nambawan Samting Bilong God’ Muvim Pipol for Duim Samting.” Hem sei: “Spirit muvim olketa long Pentecost 33 C.E. for story abaotem ‘olketa nambawan samting bilong God.’ Datfala sem spirit hem waka tuday long evri faithful servant bilong God.” Diswan muvim samfala for lanem olketa niu languis for witness long planti moa pipol.

Gudfala Advaes for Garem Sem Wei for Ting Long Samting Olsem God

Bihaen olketa firstfala tok, Gary Breaux and William Young, tufala member bilong United States Bethel famili, interviewim samfala member bilong olketa difren branch komiti long olketa kantri wea garem olketa missionary and tu wanfala hasband and waef wea duim missionary service for 41 year. Wanfala point wea kamaot hem olsem: “Olketa wea no wantem staka samting stap for longtaem winim olketa narawan. Olketa tingim olowe reason why olketa kam long datfala ples. Olketa savve olketa kam for preachim gud nius and for helpem pipol savve long Jehovah.”

Narafala member bilong Governing Body, David Splane givim lastfala tok long datfala program wea garem theme “Bae Iu No Go Farawe!” From 46 student hia bae go long olketa difren kantri raonem full world, wanem nao hem minim taem hem talem datwan? Hem explainim: “Nomata wea nao iu stap long earth, sapos iu faithful, iu stap insaed haos bilong God.” Tru nao, evri faithful Christian, nomata wea nao olketa stap, olketa serve insaed part bilong datfala bigfala spiritual temple, or haos bilong God, wea kamap taem Jesus hem baptaes long first century. (Hebrews 9:9) Hem barava comfortim olketa wea attendim datfala program for savve hao Jehovah hem klosap long evri faithful servant bilong hem long earth! Long sem wei wea Jehovah hem interest long Jesus taem hem stap long earth, Hem interest tu long iumi evriwan and service bilong iumi long Hem, nomata wea nao iumi stap. Diswan minim saed long worship, iumi no stap farawe from each other and from Jehovah and Jesus.

Bihaen olketa readim finis olketa greeting from raonem world, announcem olketa assignment, and readim wanfala leta from olketa student for sei thankiu for training olketa kasem long Gilead, chairman endim datfala program long wei for encouragem olketa niu missionary for go ahed long gudfala waka and for hapi long service bilong Jehovah.—Philippians 3:1.

[Box long page 23]

INFORMATION ABAOTEM CLASS

Haomas kantri olketa kam from: 14

Haomas kantri olketa bae go long hem: 19

Haomas student: 46

Average age: 35.0

Average year insaed truth: 17.2

Average year insaed full-taem ministry: 13.7

[Piksa long page 24]

Mek-113 Class Bilong Watchtower Bible Skul Bilong Gilead wea Graduate

List long daon start long front and go bihaen, and olketa nem start long left go long raet bilong each laen.

(1) Ligthart, M.; Hosoi, S.; Berktold, A.; Liem, C.; Aoki, J. (2) Baglyas, J.; Bouqué, S.; Bossi, A.; Alton, J.; Escobar, I.; Escobar, F. (3) Stoica, A.; Stoica, D.; Freimuth, S.; Karlsson, M.; LeBlanc, R. (4) Bianchi, R.; Bianchi, S.; Kaminski, L.; Joseph, L.; Paris, S.; LeBlanc, L. (5) Paris, M.; Skidmore, B.; Horton, J.; Horton, L.; Skidmore, G. (6) Liem, B.; Alton, G.; Quirici, E.; Langlois, M.; Steininger, S.; Aoki, H.(7) Langlois, J.; Steininger, M.; Bossi, F.; Kaminski, J.; Bouqué, J.; Ligthart, E.; Hosoi, K. (8) Baglyas, J.; Quirici, M.; Karlsson, L.; Freimuth, C.; Berktold, W.; Joseph, R. 

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem