Waswe, Iu Tingim Yet?

Waswe, iu kasem gud samting from olketa Wastaoa magasin wea iu readim finis no longtaem go nomoa? Trae for ansarem olketa kwestin hia:

• Waswe, baby wea dae insaed long bele bilong mami bae laef bak moa long future?

Bible talem hao laef hem start taem mami babule. Jehovah savve mekem olketa wea dae finis for laef bak moa, nomata sapos hem baby or man wea big finis. Iumi savve bikos “God savve duim eni samting.” (Mark 10:27) Bat no eni scripture long Bible talem stret sapos Jehovah bae mekem olketa baby wea dae insaed bele bilong mami for laef bak moa.​—⁠4/15, page 12, 13.

• Taem iumi lukluk long ants, rock badger, grashopa, and gecko, wanem nao iumi savve lanem?

Taem Jehovah wakem fofala samting hia, hem mekem olketa barava wise. Dastawe olketa samting hia wea God wakem showimaot hem garem bigfala savve. (Prov. 30:​24-​28)​—⁠4/15, page 16-​19.

• Why nao Bible showimaot hem gud for man stap kwaet?

Taem man stap kwaet, hem showimaot respect, hem savve ting raonem samting, and hem garem wei for luksavve. (Ps. 37:7; 63:6; Prov. 11:12)​—⁠5/15, page 3-5.

• Haomas king long Judah nao duim samting wea showimaot olketa tingim evritaem haos bilong God?

Naentin king nao rulim Judah long south, bat 4-fala nomoa showimaot olketa tingim evritaem tru worship. Olketa nao Asa, Jehoshaphat, Hezekiah, and Josiah.​—⁠6/15, page 7-​11.

• Waswe, evri anointed Christian long earth duim waka for givimaot spiritual kaikai?

Nomoa. Evri Christian wea God anointim witim holy spirit olketa nao datfala wakaman wea faithful and wise. Bat olketa wea insaed long Governing Body nomoa lukaftarem waka for givimaot spiritual kaikai.​—⁠6/15, page 22-​24.

• Wanem nao iu savve duim for redyim young wan bilong iu for taem hem big?

Iu need for helpem hem for garem ‘gudfala tingting’ mekem hem fit for disaedem samting seleva. (Romans 12:​1, 2) Taem iu duim olketa samting wea followim wanem Bible talem, iu bae helpem hem for tingting gud bifor hem duim samting, disaedem stret samting taem hem big, and for no kasem nogud samting. (Phil. 4:5; Gal. 6:7; Col. 3:21) Wanem Bible talem savve mekem famili bilong iu hapi and stap gud.​—⁠7/1, page 18-​20

• Why nao iumi fit for sei love wea Jesus showimaot hem mekem wei wea Jesus teach hem barava difren from olketa bigman bilong religion?

Olketa bigman bilong religion no lovem pipol bat olketa ting daonem pipol. Nara samting tu, olketa no lovem God. Jesus lovem Dadi bilong hem and hem barava sorre long pipol. (Matt. 9:​36) Hem tingim pipol and hem kaen long olketa.​—⁠7/15, page 15.