ANSA FOR OLKETA BIBLE KWESTIN
Hu nao bae go long heven, and why nao olsem?
Staka million pipol garem hope for go long heven taem olketa dae. Jesus sei olketa aposol bilong hem wea faithful bae go long heven. Bifor hem dae, hem talem olketa hem bae redyim ples for olketa long heven.—Readim John 14:2.
Why nao samfala pipol long earth bae laef bak for go long heven? Wanem nao bae olketa duim long there? Jesus talem olketa aposol bilong hem olketa bae kamap olketa king and bae rulim disfala earth.—Readim Luke 22:28-30; Revelation 5:10.
Waswe, evriwan wea duim stret samting bae go long heven?
No evriwan nao rulim wanfala kantri bat tu-thri pipol nomoa. Jesus mekem pipol for laef bak long heven for rulim disfala earth, so olketa hia bae no staka. (Luke 12:32) Bible hem talem namba bilong olketa wea bae rul witim Jesus.—Readim Revelation 14:1.
Jesus redyim ples for samfala follower bilong hem long heven. Waswe, iu savve wanem nao olketa bae duim long there?
No olketa wea go long heven nomoa bae kasem gud samting. Olketa wea faithful for stap anda long Kingdom bilong God bae laef olowe long paradaes long earth. (John 3:16) Samfala wea no dae taem God finisim disfala nogud world bae gohed for laef long datfala Paradaes. Olketa narawan wea dae finis bae laef bak for stap long Paradaes.—Readim Psalm 37:29; John 5:28, 29.