ANSA FOR OLKETA BIBLE KWESTIN
Wanem nao Jesus bae duim long future?
Long year 33 C.E., Jesus hem dae, hem laef bak, and hem go long heven. Plande year bihaen, Jehovah givim paoa long Jesus for kamap King. (Daniel 7:13, 14) Long future, Jesus bae mekem world garem peace and finisim wei for poor.—Readim Psalm 72:7, 8, 13.
From Jesus hem King, hem bae klinim earth from evri nogud samting
Taem Jesus rulim olketa man bae hem duim olketa nambawan samting. Hem bae iusim paoa wea Dadi bilong hem givim long hem for mekem pipol kamap perfect. Olketa bae enjoyim laef long earth and bae no kamap olo and no dae.—Readim John 5:26-29; 1 Corinth 15:25, 26.
Wanem nao Jesus duim distaem?
Distaem Jesus hem leadim preaching waka wea olketa disaepol bilong hem duim long evri ples long world. Olketa visitim pipol for storyim wanem Bible talem abaotem Kingdom bilong God. Jesus sei hem bae gohed sapotim waka bilong olketa go kasem taem wea Kingdom bilong God finisim evri gavman bilong olketa man.—Readim Matthew 24:14; 28:19, 20.
Jesus iusim Christian kongregeson for teachim pipol bilong hem for duim wanem God laekem. Hem bae protectim olketa long taem wea disfala world hem finis and leadim olketa go insaed long niu world wea God promisim.—Readim 2 Peter 3:7, 13; Revelation 7:17.