Review Bilong Circuit Assembly

Kongregeson bae iusim disfala information long Service Meeting program no longtaem bifor and no longtaem bihaen kongregeson attendim circuit assembly for 2006 service year. Presiding overseer bae arrangem taem for duim diswan followim instruction wea stap long November 2004 Kingdom Ministry Bilong Iumi long page 3. Askem evri kwestin long taem bilong review, and mekhae long hao iumi savve followim information wea iumi kasem from assembly.

FIRSTFALA DAY

1. Hao nao iumi savve werem datfala niufala fasin, and why nao iumi mas gohed for keepim datwan?

2. Wanem nao samfala duim for mekem olketa savve spendem moa taem long preaching waka?

3. Why nao iumi shud stap klia long wei for markem iumiseleva witim nara pipol?

4. Hao nao olketa member long famili savve showimaot datfala niufala fasin insaed famili?

5. Hao nao iumi savve showimaot iumi loyal for sapotim kongregeson?

6. Why nao iumi need for showimaot datfala niufala fasin long field ministry?

7. Wanem nao stretfala wei for ting raonem samting, and wanem gud samting nao iumi kasem from datwan?

8. Olketa wanem kaen fasin nao bae mekem hem isi for Jehovah sheipim iumi?

MEK-TU DAY

9. Why nao hem important for iusim tongue bilong iumi long stretfala wei?

10. Wanem gud samting nao iumi savve kasem from wei for iusim klinfala toktok witim olketa wakfren, skul fren, and narafala pipol?

11. Hao nao iumi savve followim kaonsel bilong Paul long Ephesians 4:25-32 taem iumi deal witim olketa brata and sista bilong iumi?

12. Wanem nao barava nambawan wei wea iumi savve iusim tongue bilong iumi?

13. Wanem nao iumi mas duim mekem iumi win againstim datfala wicked wan?

14. Long olketa wanem part long laef nao iumi shud no letem disfala world mekem iumi dirty?

15. Why nao iumi mas mekem man wea iumi insaed kamap niu evriday, and hao nao iumi savve duim olsem?

16. Wanem kaonsel from circuit assembly bilong disfala year nao iu plan for followim?