Wanem for Talem Abaotem Olketa Magasin

Wastaoa Aug. 15

“Bihaen samwan hem dae, staka no minim wanem nao happen taem man dae. Waswe, iu tingse iumi fit for minim diswan? [Letem hem ansa.] Disfala magasin hem explainim wanem Bible talem abaotem samting wea happen long man bihaen hem dae. Hem story tu abaotem promis bilong God for resurrectim olketa wea iumi lovem.” Readim John 5:28, 29.

Awake! Aug. 22

“Waswe, iu savve tu hao samfala pipol sei tourism nao bisnis wea garem staka wakman winim eni nara bisnis? [Letem hem ansa.] Wei wea tourism kamap moa big, hem mekem staka gud samting kamap and hem mekem staka problem tu. Disfala magasin hem story abaotem gud samting and nogud samting bilong tourist bisnis distaem. Hem givim tu samfala gud advaes for olketa wea savve gogo long nara kantri.”

Wastaoa Sept. 1

“Long world distaem, staka pipol tinghae long faithful fasin, bat staka no showimaot datwan. Waswe, iu ting bae hem barava nambawan samting sapos staka pipol bae olsem disfala fren wea olketa storyim long hia? [Readim Proverbs 17:17. Then letem hem ansa.] Disfala magasin hem story abaotem olketa gud samting wea iumi savve kasem taem iumi faithful long famili and long olketa fren bilong iumi.”

Awake! Sept. 8

“Maet iu sapraes hao evri samting wea stap long nature waka tugeta. [Storyim wanfala long olketa example wea stap long magasin.] Hem sorre samting hao olketa man no waka gud tugeta tu, iaman? [Letem hem ansa.] Disfala magasin explainim hao God klosap nao for mekem peace and wan mind kamap long earth.” Readim Isaiah 11:9.