Wanem for Talem Abaotem Olketa Magasin

The Watchtower July. 15

“Iumi savve sorre tumas taem samwan iumi lovem hem dae. Long tingting bilong iu, waswe, hem gohed for laef samwea? [Letem hem ansa.] Jesus talem disfala promis for encouragem iumi. [Readim John 5:​28, 29.] From Jesus sei resurrection ‘bae kamap,’ disfala magasin explainim from Bible ples wea olketa wea dae olketa stap.”

Awake! July.

“Plande pipol duim best for garem gudfala laef and olketa ting hem important for kamap gudfala man. Waswe, iu ting olsem tu? [Letem hem ansa.] Bae hem no stret sapos tingting bilong iumi abaotem samting wea gud hem difren from tingting bilong God. [Readim Proverbs 14:12.] Disfala article storyim tingting bilong God abaotem wanem nao mekem man kamap gudfala man.” Showim article wea start long page 20.

Wastaoa Aug. 1

“Long tingting bilong iu, olketa wea letem holy spirit for leadim olketa bae showimaot olketa wanem kaen fasin? [Letem hem ansa.] Lukim samting wea Bible talem abaotem diswan. [Readim Galatians 5:22, 23.] Disfala magasin explainim olketa difren fasin wea holy spirit savve mekem man for garem and wanem iumi savve duim for showimaot olketa fasin hia.”

Awake Aug.

“Long tingting bilong iu, hu nao savve givim gudfala advaes for helpem parents? [Letem hem ansa.] Bible talem disfala promis. [Readim 2 Timothy 3:​16.] Disfala magasin storyim wei wea Bible savve helpem parents for teachim and trainim olketa pikinini wea hapi.”