Wanem for Talem Abaotem Olketa Magasin

The Watchtower Feb. 15

“Sapos iu garem chance for chusim samwan for rulim world, hu nao bae iu chusim? [Letem hem ansa.] Disfala magasin storyim olketa samting wea mekem Messiah fit for duim datwan from hem nao wan wea God chusim for rulim earth. Hem explainim tu wanem nao olketa man bae kasem from rul bilong hem.” Readim Isaiah 9:6, 7.

Awake! Feb.

“Pipol worshipim plande god distaem. Bat, lukim wanem Jesus talem abaotem Dadi bilong hem long prea. [Readim John 17:3.] Sapos wanfala tru God nomoa stap, waswe long olketa nara god? [Letem hem ansa.] Disfala article storyim tingting bilong Bible abaotem diswan.” Showim article long page 28-9.

Wastaoa Mar. 1

“Iumi evriwan enjoyim hapitaem and kasem gud samting from datwan. King Solomon wea wise tumas, hem raet abaotem diswan long Ecclesiastes 3:12, 13. [Readim.] Solomon kolem hapitaem wanfala present from God, nomata olsem, long tingting bilong iu, wanem nao maet samfala samting saed long hapitaem wea savve nogud and spoelem iumi?” [Letem hem ansa.] Then showim article wea start long page 23.

Awake! Mar.

“Love hem barava important from hem mekem iumi hapi and stap gud. Nomata olsem, hem no isi for plande pipol faendem trufala love. Long tingting bilong iu, why nao olsem? [Letem hem ansa.] Wanfala important samting wea bae helpem man faendem trufala love hem for lane for showimaot love wea no selfish long olketa narawan. Disfala magasin storyim wanem man savve duim for showimaot datkaen love.” Readim 1 Corinthians 13:4-7.