Wanem for Talem Abaotem Olketa Magasin

The Watchtower Feb. 15

“Samfala pipol sei olketa man spoelem earth. Waswe, datwan hem samting wea iu wari abaotem tu? [Letem hem ansa.] Mi laek showim iu disfala naesfala promis wea Bible hem talem. [Readim Revelation 11:18.] Disfala magasin hem storyim information abaotem wanem nao mekem disfala earth hem spesol. Hem talem tu samting wea Bible talem abaotem future bilong earth.”

Awake! Feb.

“Waswe, iu tingse diswan hem wanfala reason why iumi lukim staka problem tumas long world? [Readim 1 John 5:​19. Then letem hem ansa.] Disfala article showimaot samting wea Bible talem abaotem hu nao ‘datfala wicked man’ and hao nao iumi savve stap klia long wei wea hem savve affectim iumi.” Showim article wea start long page 12.

Wastaoa Mar. 1

“Distaem, pipol lukaotem advaes for helpem olketa saed long marit and hao for trainim pikinini. Wea nao man savve faendem gudfala advaes? [Letem hem ansa.] Disfala Wastaoa magasin storyim olketa wisefala advaes for famili wea kam from Creator bilong iumi man.” Readim Psalm 32:8.

Awake! Mar.

“Long tingting bilong iu, wanem nao samfala hard samting wea kasem young pipol distaem? [Letem hem ansa.] Mi laek showim iu wanfala scripture wea talem wanfala hard samting wea kasem olketa young pipol distaem—hem nao for garem olketa fren wea bae helpem iumi for duim gud samting. [Readim Proverbs 13:20.] Disfala magasin hem storyim olketa danger wea man kasem from wei for iusim Internet for faendem olketa fren and wanem parents savve duim for protectim olketa young wan.”