Wanem for Talem Abaotem Olketa Magasin

The Watchtower July 15

“Long tingting bilong iu, waswe, bae enitaem iumi lukim wanfala gavman wea bae stretem olketa problem bilong olketa man? [Letem hem ansa.] Jesus teachim olketa disaepol bilong hem for prea for wanfala gavman olsem long toktok wea hem talem long Matthew 6:9, 10. [Readim.] Disfala magasin explainim why Kingdom bilong God hem winim eni gavman bilong olketa man and hem storyim tu olketa blessing wea olketa man bae kasem from datfala Kingdom.”

Awake! July

Taem iu meetim wanfala young wan, maet iu savve sei: “Staka wea sem age olsem iu olketa tingting for marit. Long tingting bilong iu, wea nao iu savve faendem stret and gudfala information abaotem marit? [Letem hem ansa.] Iumi lukim insaed Bible man wea startim marit. [Readim Matthew 19:6.] Disfala magasin hem storyim samfala Bible principle for helpem iumi garem marit wea hapi.”

Wastaoa Aug. 1

“Waswe, enitaem iu askem disfala kwestin, ‘Sapos God garem love and bigfala paoa, why nao hem no duim samting for helpem pipol wea safa?’ [Letem hem ansa.] Klosap nao bae hem finisim evri problem. [Readim Isaiah 65:17.] Disfala magasin showimaot hao, go kasem taem for God finisim olketa problem, hem no luk kam long iumi witim wei for no kea taem iumi safa.”

Awake! Aug.

“Iumi evriwan laek for garem gudfala health. Waswe, iu savve tu hao distaem plande doctor hol bak for givim blood long pipol wea sik? [Letem hem ansa.] Disfala magasin explainim why nao hem olsem. Hem explainim from Bible tu why God hem tinghae long blood.” Readim Leviticus 17:11.