Wanem for Talem Abaotem Olketa Magasin

The Watchtower Jan. 15

“Long tingting bilong iu, wea nao olketa wea marit finis savve kasem gudfala advaes? [Letem hem ansa.] Iumi lukim hu nao man wea startim disfala arrangement for marit. [Readim Genesis 2:​22.] God hem provaedem tu instruction saed long samting wea hasband mas duim and samting wea waef mas duim insaed marit. Disfala magasin hem explainim datwan.”

Awake! Jan.

“Waswe, iu lukim hao plande wea sei olketa Christian no followim olketa teaching bilong Jesus? [Letem hem ansa.] Olsem example, plande no followim toktok bilong Jesus long disfala scripture. [Readim John 13:35.] Disfala article hem showimaot hao samting wea Jesus teachim hem difren tumas from tingting bilong plande wea sei olketa Christian.” Showim article wea start long page 18.

Wastaoa Feb. 1

“Iumi savve hao olketa pikinini lane taem olketa lukluk long samting wea parents duim. Bat olketa wanem fasin nao olketa pikinini garem wea olketa bigman shud garem tu? [Letem hem ansa. Then readim Matthew 18:3.] Disfala magasin hem storyim olketa fasin wea parents savve lanem from olketa pikinini.”

Awake! Feb.

“Insaed samfala community pipol start for garem difren tingting abaotem religion. Hao nao tingting bilong iu, religion gohed for affectim laef bilong pipol or nomoa? [Letem hem ansa.] Samting wea aposol Paul talem showimaot wanfala reason why pipol no trustim religion. [Readim Acts 20:29, 30.] Disfala magasin storyim samting wea Bible talem abaotem future bilong Christian Wei.”