Wanem for Talem Abaotem Olketa Magasin

Wastaoa Jan. 15

“Iumi evriwan laekem olketa pikinini and iumi seleva tu for garem gudfala laef, bat staka no fit for garem datwan. Waswe, iu ting iumi savve kontrolem future bilong iumi? [Letem hem ansa.] Disfala magasin showim from Bible hao future bilong iumi depend long wanem iumi chusim distaem.” Readim Deuteronomy 30:19.

Awake! Jan. 22

“Taem iumi sik, iumi evriwan tinghae long doctor wea tingim feeling bilong iumi. Bat waswe, iu ting olketa sikman tingim feeling bilong doctor? [Letem hem ansa.] Disfala magasin storyim olketa challenge bilong olketa doctor and samting wea bae kamap long future saed long medicine.” Readim Isaiah 33:24.

Wastaoa Feb. 1

“Hem barava mekem iumi feel nogud hao raf fasin and wei for spoelem man kasem staka pipol distaem, iaman! [Storyim eni example long diswan wea pipol long territory savve abaotem, and letem hem ansa.] Disfala magasin storyim tingting bilong God abaotem laef bilong man. Hem explainim tu hao hem bae sevem iumi from wei for safa wea iumi kasem distaem.” Readim Psalm 72:12-14.

Awake! Feb. 8

“Wanfala barava hard samting iumi mas feisim distaem hem wei for deal witim hevi. Waswe, iu ting olsem tu? [Letem hem ansa.] Bible talem stret hao laef bae kamap hard olsem. [Readim 2 Timothy 3:1.] Disfala magasin givim samfala idea for helpem iu and famili for deal witim hevi.”