Kwestin Box
◼ Hu nao shud talem song for startim Theocratic Ministry Skul, Service Meeting, Pablik Meeting, and Wastaoa Study, and hao nao hem shud duim datwan?
Song for startim Theocratic Ministry Skul for each week hem stap long Theocratic Ministry Skul Schedule, wea insaed long insert bilong October Kingdom Ministry Bilong Iumi. Song for startim and finisim Service Meeting for each week hem stap long page 2 bilong Kingdom Ministry Bilong Iumi. And tu, olketa song for Wastaoa Study evri week hem stap long page 2 bilong each Wastaoa magasin. From olketa song hia join witim olketa tok or study wea bae kamap, brata wea bae conductim next meeting nao shud talem song for singim, and no Skul Overseer or chairman bilong Pablik Meeting.
Olsem example, Theocratic Ministry Skul overseer bae welkamim olketa wea kam long meeting, talem firstfala song for singim, conductim skul, and then askem first speaker bilong Service Meeting for kam long platform. Brata wea duim first Service Meeting part nao bae talem song for startim Service Meeting.
Long sem wei tu, chairman nao bae startim Pablik Meeting. Hem bae welkamim evriwan wea kam and askem olketa for singim first song wea speaker chusim. Chairman (or maet nara brata wea fit wea olketa elder markem firstaem) bae prea for startim meeting. Hem bae talem hu nao speaker and subject wea speaker bae story abaotem. Bihaen datfala tok, chairman bae no talem moa olketa point bilong datfala tok, bat talem thankiu for datfala information. Hem bae talem title bilong pablik tok for next week, and invaetem evriwan wea kam for stap for Wastaoa Study. Chairman no need for ask sapos audience laek for sendem love long kongregeson bilong visiting speaker. Then chairman bae askem conductor bilong Wastaoa Study for kam long platform.
Conductor bilong Wastaoa Study nao bae talem first song for startim study. Hem bae conductim study followim olketa instruction wea hem kasem, and talem song for singim for finisim meeting. Plande taem, conductor bilong Wastaoa Study bae askem brata wea givim pablik tok for prea for finisim meeting.
Wei for followim olketa instruction hia bae help for mek sure olketa kongregeson meeting bilong iumi gohed long sem wei olsem olketa nara kongregeson.