Olketa Samting for Tingim Abaotem Memorial

Olketa elder mas tingim olketa samting hia taem olketa redi for Memorial:

◼ Mas pasim bred and wine bihaen sun go daon.

◼ Redyim firstaem bred and wine wea fitim.​—Lukim Wastaoa bilong February 15, 2003, page 14-​15.

◼ Putim firstaem tebol, pleit, and kap bifor pipol start for kam long Kingdom Hall.

◼ Klinim gud firstaem Kingdom Hall or eni nara ples wea Memorial bae kamap long hem.

◼ Chusim olketa attendant and olketa wea bae pasim bred and wine. Olketa mas savve long wanem olketa bae duim. Lukluk and kaleko bilong olketa brata hia mas klin and showimaot respect.

◼ Taem tu-thri kongregeson bae iusim sem Kingdom Hall, olketa elder mas mekem gudfala plan for firstfala kongregeson go aot bihaen olketa finis and narafala kongregeson kam insaed.

◼ Gudfala saond system mas stap sapos Memorial bae kamap long eni nara ples mekem evriwan wea kam savve herem brata wea givim tok.