Wanem for Talem Abaotem Olketa Magasin

Wastaoa October-December

“Plande pipol tingse evri gud pipol bae go long heven. Waswe, iu bilivim datwan tu? [Weit for hem ansa.] Lukim wanem Bible talem abaotem disfala earth. [Readim Psalm 37:​11, 29.] Disfala magasin showimaot samting wea Jesus teachim abaotem future bilong olketa man long disfala earth.” Showim story wea start long page 22.

Awake! November

“Iu tingse religion mekem pipol garem love and stap long peace or mekem pipol for heitim narawan? [Weit for hem ansa.] Luk olsem staka pipol no followim disfala toktok bilong Jesus. [Readim Matthew 5:​44, 45.] Disfala article hem ansarem disfala kwestin, Waswe, man savve lovem olketa enemy bilong hem?” Storyim article wea stap long page 10.

The Watchtower December 1

“Waswe, iu tingse enitaem God bae finisim olketa nogud samting long world wea mekem man safa? [Weit for hem ansa.] Tingim disfala promis long Bible wea givim iumi hope. [Readim wanfala long olketa scripture wea stap long box long page 7.] Disfala magasin storyim wanem nao Bible talem abaotem wanem God bae duim for finisim evri nogud samting, and taem wea bae hem duim datwan.”

Awake! December

“Samfala bilivim God nao wakem universe, bat samfala tingse hem samting wea kamap seleva nomoa and no followim eni plan. Wanem nao tingting bilong iu? [Weit for hem ansa.] Lukim wanem Bible talem. [Readim Hebrews 3:4.] Disfala magasin hem explainim gud hao universe hem start and plan wea stap for hem.”