Wanem for Talem Abaotem Olketa Magasin

Wastaoa April-June

“Samfala buk talem Jesus no dae olsem Bible storyim bat sei hem marit and garem pikinini. Waswe, iu herem datwan tu? [Weit for hem ansa.] Hem important for savve long tru story. [Readim John 17:3.] Disfala article storyim olketa reason for trustim wanem Bible talem abaotem Jesus.” Storyim article wea start long page 26.

Awake! May

“Waswe, iu tingse selen long world bae klosap kamap gud? [Weit for hem ansa.] Staka no savve hao Bible savve helpem iumi long olketa hard taem olsem. [Readim eni scripture wea stap long datfala article.] Disfala article showim wanem Bible talem wea savve helpem iumi for deal witim olketa hard taem saed long selen.” Showim article wea start long page 18.

The Watchtower June 1

“Sapos iumi markem witim olketa year wea go pas, staka church distaem no storyim sin tumas. Waswe, iu bilivim hao sin hem samting wea pipol storyim bifor nomoa, or hem samting wea iumi need for storyim distaem? [Weit for hem ansa. Then readim Romans 5:​12.] Disfala magasin storyim wanem Bible talem abaotem sin.”

Awake! June

“Luk olsem laef distaem hem mekem pipol wari tumas. Waswe, iu ting olsem tu? [Weit for hem ansa.] Staka tingse wanem disfala scripture talem explainim why pipol wari tumas. [Readim 2 Timothy 3:1.] Disfala magasin hem storyim hao wei for wari savve affectim iumi. Hem storyim tu samfala samting wea iumi savve duim mekem iumi no wari tumas.”