Wanem for Talem Abaotem Olketa Magasin

The Watchtower June 1

“Staka pipol lukluk for eni saen long star bifor olketa mekem disison. Waswe, iu tingse olketa star kontrolem laef bilong iumi? [Weit for hem ansa.] Interesting for savve, hao Bible storyim olketa star long zodiac. [Readim 2 Kings 23:5.] Disfala article storyim wanem Bible talem.” Showim article wea stap long page 18.

Awake! June

“Olketa Church savve askem selen taem olketa baptaesim eniwan, duim wedding, and duim funeral. Waswe, iu tingse diswan hem stret? [Weit for hem ansa.] Lukim toktok wea Jesus talem long olketa disaepol bilong hem. [Readim Matthew 10:​7, 8b.] Disfala article showim wanem Bible talem abaotem wei for askem selen for olketa kaen samting olsem wea olketa duim long church.” Showim article wea stap long page 22.

Wastaoa July-September

“Staka religion garem difren tingting abaotem wei for drink. Iu tingse wanem nao tingting bilong God abaotem man wea hem drink? [Wei for hem ansa.] Nomata Bible storyim wanfala taem wea Jesus mekem wata for kamap wine, hem talem olsem tu. [Readim Proverbs 23:20a.] Disfala magasin storyim tingting Bible abaotem diswan.”

Awake! July

“Wei wea selen long world gogo daon, hem mekem staka pipol for wari. Olketa wea lusim waka wari tumas, and olketa wea waka wari nogud olketa lusim waka. Waswe, iu tingse disfala advaes hem gud for helpem iumi deal witim datwan? [Readim Matthew 6:​34. Then weit for hem ansa.] Disfala magasin storyim samfala samting wea savve helpem iumi long hao for iusim selen and for deal witim feeling bilong iumi.”