Wanfala Samting for Helpem Olketa Christian
1. Wanem niu arrangement nao start long 1938, and for wanem?
1 Long 1938, organization bilong Jehovah startim wanfala niu arrangement. Olketa askem samfala kongregeson for attendim olketa zone assembly, wea distaem iumi kolem circuit assembly. For wanem? Long January 1939 long Informant (wea distaem hem Kingdom Ministry Bilong Iumi) hem sei: “Theocratic Organization bilong Jehovah provaedem olketa assembly hia for helpem Kingdom waka. Iumi wanwan barava needim instruction wea iumi kasem long olketa assembly for iumi savve duim gud waka bilong iumi.” Taem iumi ting raonem increase bilong olketa Kingdom pablisa long 1938 wea kasem 58,000 nomoa, and winim 7,000,000 long 2009, diswan showimaot olketa circuit assembly barava helpem olketa Christian for “duim gud waka bilong olketa”!
2. Olketa wanem tok nao bae iumi herem long next circuit assembly?
2 Theme for Next Circuit Assembly: Iumi luk forward long datfala assembly and encouragement wea iumi bae kasem. Theme hem kam from John 15:19: “Iufala No Olsem Pipol Long World.” Wanem nao samfala long olketa tok wea bae helpem olketa Christian? Long Saturday bae iumi herem disfala tok “Hao Nao Full-Taem Service Protectim Iumi?” Iumi bae herem tu tok wea garem thrifala part “No Letem ‘Datfala Wild Animal’ Spoelem Iumi,” “No Letem ‘Datfala Jury Woman’ Spoelem Iumi,” and “No Letem ‘Olketa Bigman Bilong Bisnis’ Spoelem Iumi.” Long Sunday, bae iumi herem wanfala tok wea garem fofala part wea garem theme “Lovem Jehovah, No Disfala World.” Olketa nara tok hem “Gohed Olsem ‘Olketa Stranger and Pipol wea Stap for Lelebet Taem’” and “No Fraet! Iu Savve Winim Disfala World.”
3. Wanem gud samting nao iumi savve kasem taem iumi attendim next circuit assembly?
3 Bihaen wanfala sista wea wikdaon lelebet long ministry hem attendim circuit assembly wea just finis, hem sei datfala program helpem hem for lukluk moa long living bilong hem and disaed for “go aot long ministry and no mek-excuse!” Tru nao, next circuit assembly bae helpem iumi evriwan for lovem Jehovah and no lovem disfala world. (1 John 2:15-17) Mekem plan for iu attendim datfala assembly and lisin gud, mekem iu kasem gud samting from wanem organization bilong Jehovah provaedem for helpem iumi!